PA’PUDIAN 33:2 - Sura' Madatu

² PudiMi tu PUANG naturu’ oni katapi, sia penanianNi pa’pudian naturu’ dandi sangpulo ritinna.

PA’PUDIAN 33:2 Referans Kwoze

PA’PUDIAN 144:9

O Puang Matua, la kupenaniangKomi misa’ nanian ba’ru, sia la kupakendekangKomi pa’pudian kupasibarrung dandi sangpulo ritinna,

KATASSURAN 15:20

Naalami Miryam, nabi baine, anak daranna Harun tu ganda’-ganda’, anna tassu’ tu mintu’ baine unturu’i, anna undedek ganda’-ganda’ sia ma’gellu’.

KADA OMBO’ LAKO RASULU’ YOHANES 14:2

Angku rangi misa’ gamara dao mai langi’, takua to uai buda mongngo’, sia susi oni guntu’ kapua. Iatu gamara kurangi susito ma’katapi umpannoni katapinna;

KADA OMBO’ LAKO RASULU’ YOHANES 5:8

Iatonna alami tu sura’ iato, tukkumi tu a’pa’ a’gan kepenaa sia iatu duangpulo nna’pa’ penatua dio oloNa Anak domba iato, pada untoe katapi sia gori-gori bulaan ponno kemenian, iamo mintu’ pangandona to masallo’.

PA’PUDIAN 92:3

Melo ke napa’peissananni ke melambi’ tu kamasokanamMi, sia napa’peissanan ke bongi tu kamarurusamMi.

1 OSSORANNA DATU 25:6

Mintu’i te napangului ambe’na unnala nanian lan banuanNa PUANG, ke umpannonii taa’-taa’, dandi na katapi, lan kamenomban lan banuanNa Puang Matua, tu napamanassa datu, iamotu napangului Asaf, Yedutun na Heman.

1 OSSORANNA DATU 25:3

Diona Yedutun, iatu anakna muane Yedutun iamotu Gedalya, Zeri, Yesaya, Hasabya na Matica, annanni, tu na-pangului ambe’na tu susito nabi ma’nubua’, ke marassanni umpannoni katapi umpudi sia umpakaraya PUANG.

1 OSSORANNA DATU 15:28

Iatu mintu’ to Israel umbaa patti basseNa PUANG unnarrak-arrak sia umpannoni napiri tanduk, tarompe’ na taa’-taa’, sia ma’dandi na ma’katapi.

1 OSSORANNA DATU 15:16

Mesuami tu Daud lako mintu’ pangulunna to Lewi kumua anna popa’tibangi tu siulu’na, iamotu to menani umbaa oni-onian, dandi, katapi na taa’-taa’, la umpannoni tanda pa’maruasan kaparannuan.

2 SAMUEL 6:5

Iatu Daud sola mintu’ to Israel ma’marua’-rua’ dio oloNa PUANG, umpannoni ma’rupa-rupa (oni-onian) kayu sapuko, iamotu katapi, dandi, ganda’-ganda’, giring-giring sia taa’-taa’.

PA’PUDIAN 149:3

La ma’gellu’ sola nasangi umpudi sanganNa PUANG, la ma’ganda’-ganda’ sia la massu’dekan umpakendekan pa’pudian Puang!

PA’PUDIAN 71:22

Aku duka te la kupudiKomi dandi, tu kamarurusamMi, o Kapenombangku; sia la kupakendekangKomi pa’pudian dipasiala katapi, o Puang maindanna Israel.

PA’PUDIAN 92:4

Dipasiala paningoan sangpulo ritinna sia dandi, sisola oni-onian naturu’ katapi.