PA’PUDIAN 33:12 - Sura' Madatu

¹² Maupa’ tu bangsa umpoKapenomban PUANG, iamotu to sangpetayanan mangka Napilei langsa’ Napotau misa.

PA’PUDIAN 33:12 Referans Kwoze

PA’PUDIAN 144:15

Maupa’ tu bangsa ten to tu a’ganna, sia maupa’ tu bangsa umpoKapenomban PUANG!

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

YOHANES 15:16

Tae’ anNa kamu umpileiNa’, sangadinna Akuri tu umpileikomi sia umpamanassakomi, ammi male umpalao bua, sia tontong tu buammi; dikua anna apa-apa tu mipalaku lako Ambe’ umpotete sangangKu, la Napa’kamasean lako kalemi.

EFESUS 1:4

Susitu kaNatonnoranta diona Kristus, tonna tang dikombongpa tu lino, kumua anta masallo’ sia tang sayuan dio oloNa Puang.

PA’PUDIAN 65:4

Ma’rupa-rupa kakadakean untaloina’, apa mintu’ salaki la Miseroi.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

PA’TOLE 33:29

Maupa’ko, e to Israel; mindara susimmu? Iamotu misa’ bangsa Nalendokan PUANG, tu balulang patunduammu sia pa’dang kamatandeammu. Iamoto na iatu ualimmu unna’ga to mengkanorong bangmo kalena lako kalemu, sia mulese tu padang madaona.

PA’PUDIAN 135:4

Belanna Napilean langsa’mo Kalena PUANG tu Yakub, sia Natonnoran bua kayumo tondon to batangNa tu Israel.

YEREMIA 10:16

Apa tae’ nasusito tu taana Yakub; Iamo Tokumombong sanda mairi’ sia garonto’ mana’Na to Israel: tu digente’ PUANGna mintu’, ma’dandan maritik.

PA’PUDIAN 28:9

Lendokanni tu taumMi sia pamasakkei tu mana’Mi, kambi’i sia kaduttu’i sae lakona.

KATASSURAN 34:9

anna ma’kada nakua: O Puang iake Mikaturu-turuina’, Puang la ussolangkan. Tonganna iate bangsa iate to makarra’ penaanna, apa la Mipa’dei dikka’ tu kapabali-baliangki sia kasalangki, amMi pomana’kan.

PA’TOLE 32:9

Belanna iatu taunNa tu Napotaa PUANG, Yakub iamo Napotaa mana’ Puang, tu disukaranni.

2 SAMUEL 20:19

Iate kami te misa’ tondok marampa’ sia maruru’ dio lu to Israel; midakarammo lalan la ussanggangi tu misa’ indo’ tondok dio lu tondokna to Israel; ma’apai ammi la ussabu’i tu mana’Na PUANG?

YESAYA 41:10

Da mumataku’, belanna Kurondongko; da mumagiang mentiro tiku lao, belanna Akumo tu Kapenombammu, Kupamatoto’ko sia Kutundui dukako, sia Kusande’ dukako lima kananKu tu umpaden kasalamaran.