Biblia Todo Logo
Bib sou entènèt

- Piblisite -




PA’PUDIAN 33:10 - Sura' Madatu

10 PUANG umpatangdanun pa’timbanganna mintu’ bangsa, sia undampa tangnga’na mintu’ to sangpetayanan.

Gade chapit la Kopi




PA’PUDIAN 33:10
23 Referans Kwoze  

La Misabu’i tu bati’na lan mai lino, sia lanto mimi’na lan mai mintu’ ma’rupa tau.


Akumo tu undampa tanda-tandana to untannun kamo’rangan sia Aku dukamo tu umpatolle mintu’ to pakita-kita; mintu’ to paissan Kupamaling sia iatu kapaissananna baga.


Tae’ tu kakinaan sia tae’ tu tangnga’ kinaa, tae’ duka tu bisara, ke umpennoloiki’ PUANG.


Attu iato napokadami tau lako Daud nakua: Iatu Ahitofel dio lu sola tu to sipakulu-kulu Absalom. Nakuami Daud: O PUANG, padampai tu pa’timbanganna Ahitofel.


O PUANG, Puangku, patunduan matoto’ku, Misarongi tu ulungku ke tiosokki lempo kasirarian.


Kumua angku uleleanni tu mintu’ penggauran mala’bi’Mi, angku lo’dok to kaiyangan lan babanganna anak dara Sion belanna kasalamaran lu dio mai Kalemi.


Iatonna tiromi Ahitofel, kumua tae’ nadituru’ tu pa’timbangna, nalapikkimi tu keledainna, anna male lako banuanna dio tondokna; iatonna mangkamo umpasanni tu mintu’ to lan banuanna nataa-taanni tu apanna, untoke’mi kalena; susimo kamateanna to, anna dilamun diong panglamunanna ambe’na.


Attu iato iatu tangnga’na to Mesir la putta, sia la Kudampa tu tanan penaanna; anna male mekutana lako dipa’deatainna sia mintu’ to ma’basa-basa sia bombo to mate sia to sola deata.


Kumalasi-lasikomi, e langi’, belanna PUANGmo tu mangka umpogau’i; unnarrakkomi, e to diong mangapi’na tana, rambankomi sikula’dakan, e buntu sia pangala’ sola mintu’ kayu lan, belanna mangkamo Narampanan PUANG, tu Yakub sia umpamala’bi’ Kalena lan Israel.


Nakuami Absalom sia mintu’ to Israel: Iatu pa’timbanganna Husai, to Arki melo na pa’timbanganna Ahitofel. Apa inang pangelorannamo PUANG susito, belanna la Nadampa tu pa’timbanganna Ahitofel, kumua anNa pasaeanni kasanggangan PUANG tu Absalom.


apa iake suleko tama kota ammu ma’kada lako Absalom: Aku te taunnamo’ puangku, moi anna dolona taunnana’ ambe’mi; apa totemo taunnamo’ puangku; nasusito ma’din mupadampa tu pa’timbanganna Ahitofel.


Susimorato Napasisarak-sarakki PUANG lan lu te lino, natorroimi umbangunni tu tondok iato.


Nasuami taunNa Puang Matua tu pesua lao umparampoi lako datunna Israel, nakua: Katangkinni tu kalemi lendu’ inde to dio, belanna iatu to Aram mengkalaomo dio.


Apa massambayangkan lako Kapenombangki sia belanna iatu ampena tau iato mai kitiromo angki suai tu to ma’ronda’ allo bongi la umpangeaikanni.


Dio inan iate la Kunii undampai tu tangnga’na Yehuda sola Yerusalem; sia Aku la ullaoi pa’dang tu tau iato mai anna songka dio tingayona ualinna sia tete dio limanna mintu’ tau undaka’ lalan la umpatei, sia Aku la umbenni manuk-manuk dao lu langi’ sia olo’-olo’ dao kapadanganna tu batang rabukna la napopendurukan.


Sia apa tu bu’tu lan penaammi, inang tae’ anna la lolo’, tu mikua: la susikanni tu bangsa iato, la susikanni tu suku lan tondok iato la menomba lako kayu sia batu.


Iake ma’kadai tu Edom nakua: Mangkamokanni disanggangi, apa la kibangun sule tu inan daun lauan – manassa inde sia tu kadanNa PUANGna mintu’ ma’dandan maritik, Nakua: Moi nabangunni tu kotana, apa inang la Kusanggang; la nasangai tau tu tau iato mai: lili’ katangmekaalukan, sia: bangsa narua kasengkeanNa PUANG tontong sae lakona.


Swiv nou:

Piblisite


Piblisite