PA’PUDIAN 33:1 - Sura' Madatu

¹ La sila’tekangkomi umpakaraya PUANG, e mintu’ to bulo sanglampa, Iatu pa’pudi-pudian bayu sielle’na to ma’bulo lollong.

PA’PUDIAN 33:1 Referans Kwoze

PA’PUDIAN 32:11

E to malambu’ poparannu-rannukomi PUANG, sia sende paimankomi, sia sila’tekangkomi, e mintu’ to ma’bulo lollong.

FILIPI 4:4

Tontongkomi parannu tete dio Puang, kutolepa pissan kupokada kumua: parannukomi.

PA’PUDIAN 147:1

Pudimi tu PUANG, belanna melo tu umpakendekan pa’pudian Kapenombanta, belanna iatu iannato mala’bi’, sia iatu pa’pudi-pudian sielle’.

PA’PUDIAN 118:15

Iatu arrak sia la’tek belanna kamakarimmanan marua’ lan tendana to malambu’ nakua: Iatu lima kananNa PUANG ungkarang gau’ masang,

PA’PUDIAN 97:12

E kamu to malambu’, la umpoparannukomi PUANG, sia pudii tu sanga maseroNa.

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

PA’PUDIAN 135:3

Pudimi tu PUANG, belanna iatu PUANG masokan, pakendekanni pa’pudian tu sanganNa, belanna mala’bi’ tu sanga iato.

ROMA 3:10

susitu disura’ kumua: Tae’ tau misa’ malolo, moi misa’ tae’ duka,

ROMA 5:19

Belanna susitu diona katangmengkaolanna misa’ tau, nabuda tau bendan dipopendadi to kasalan, susi dukamoto tu belanna kamengkaolanna Misa’ Tau, anna bendan tu budanna tongan dipopendadi to malolo.