PA’PUDIAN 32:8 - Sura' Madatu

⁸ La Kupakilalako sia la Kupatuduko tu lalan sipatu la muola; la Kupokadangko tangnga’ sia la Kutuntun matako.

PA’PUDIAN 32:8 Referans Kwoze

PA’PUDIAN 33:18

Manassa iatu matanNa PUANG tontong untiro to ungkataku’I, sia to umpeagi kamasokananNa Puang,

MATIUS 11:29

Endekammi tu panglembaKu sia melada’komi lako Kaleku; belanna Aku malamma’ sia umpamadiongan penaa; ammi alan kapelayoan kalemi.

YESAYA 49:10

Tang la mekatopo ba’tu mekama’rang, tae’ nala ussarussu’i angin padang aak sia tae’ nala ulla’da’i allo, belanna iatu tau iato mai la Nasolan To madulu’na sia la Naanta’ lako to’ mata kalimbuang.

SARAMBU PEADA’ 3:1

E anakku, da mutang kilalai tu pa’pangada’ku sia la nakaritutui penaammu tu mintu’ pepasanku,

PA’PUDIAN 34:11

Iatu anak singa kapu’duran sia ussa’ding tangdia’, apa iatu to undaka’ PUANG tae’ nala kapu’duran len apa maelo.

KADADIAN 24:48

Tukkumo’ umpenombai PUANG, angku pudii tu PUANG, iamo Kapenombanna puangku Abraham, tu mangka urrendenna’ lako lalan tongan, la unnalanni anakna sangdadianna tu anakna puangku.

KADIBILANGAN 9:22

Iake masai tu gaun torro dao Kema, ba’tu duang allo, ba’tu sangbulan, ba’tu masaipi, iatu to Israel torro ma’tenda, tae’ nake’de’ len; apa iake tiangka’mi tu gaun, namane ke’de’ tu tau iato.

2 SAMUEL 22:33

Puang Matuamo tu tambakuku matoto’ku, sia Iamo umpamarante lalanku.

1 DATU 8:36

attu iato la Miperangii dao mai suruga sia la Mipa’dei tu kasalanna taumMi sia taumMi to Israel – belanna Mipatuduan lalan melo tu tau iato mai tu sipatu la naolai – sia Mipasaean uran tu padang, tu mangka Mikamasean taumMi la napomana’.

PA’PUDIAN 25:12

Mindara tu to ungkasiri’ PUANG? iamotu to la Napatudu lako lalan umbanna tu sipatu natonno’.

PA’PUDIAN 143:8

Pasomboanna’ kamasokanamMi, ke makale’, belanna sande’ mati’na’ Kalemi; patiroanna’ tu lalan sipatu la kuola, belanna Mati’ kunii umpakendek penaangku.

YESAYA 48:17

Nakua kadanNa PUANG, Pela’bakmu, To maserona to Israel, nakua: Akumote tu PUANG, Kapenombammu, tu nenne’ umpatuduko, kumua ammu maupa’, sia Aku duka urrendenko lako lalan sipatu muolai.