PA’PUDIAN 32:6 - Sura' Madatu

⁶ Iamoto mintu’ to mengkaola la massambayang lako Kalemi su’ding dilambi’pi tu pa’kamaseamMi; moi anna tu’ba’ tu uai saba’, manassa tang la nalambi’ tu tau iato mai.

PA’PUDIAN 32:6 Referans Kwoze

YESAYA 55:6

Daka’i tu PUANG, su’ding ma’din siaPi diappa’; massambayangkomi metamba lako, su’ding mandappi’ siaPi.

YESAYA 43:2

Iake ussassangko uai, la Kurondongko, sia iake ullambanko salu, tae’ anna la ungkabu’ko; iake unnolaiko to’ api, tae’ anna la ungkandeko sia tae’ anna la’poiko.

2 KORINTUS 6:2

Belanna susite tu kadanNa: Iake attu dipopaiman Kuperangiimoko, na iake allo kamakarimmanan Kutunduimoko. Tonganna iamote totemo tu attu Napopaiman Puang Matua, tonganna iamote totemo tu allo kamakarimmanan.

YOHANES 7:34

Ammi daka’Na’, natae’ mikabu’tuiNa’, sia iatu Kuninna tae’ mibelai la ullambi’i.

SARAMBU PEADA’ 1:28

attu iato la metamba-tamba tu tau iato mai lako kaleku, apa tae’ kula mebali, la na daka’na’, apa tae’ naappa’na’.

PA’PUDIAN 4:3

E pia muane, sangapapa la ditunai tu kamala’birangku, sangapapokomi la umbudanan apa tang kebattuan, umparri-parri kamorangan?

PA’PUDIAN 144:7

Popengkorongi tu limamMi dao mai masuanggana, lendokanna’ sia endekanna’ diong mai to’ uai buda, sia dio mai lisu pala’na to sae,

PA’PUDIAN 42:7

O Kapenombangku, ma’dosso-dosso tu deatangku lan kaleku, iamoto angku kilalaiKomi dio mai padang Yordan sia dio mai buntu Hermon, sia dao mai buntu Mizar.

PA’PUDIAN 40:3

Mangkamo’ Naendekan diong mai liku nanii kasanggangan, diong mai buka mapullan, Napopellesei tu lentekku dao buntu batu, sia Napabantang tu tengkaku.

TITUS 2:12

sia unnada’iki’ anta tumpui tu mintu’ katang-mekaalukan sia mintu’ kamailuanna te lino, anta lolangan kaleta lan te lino situru’ kakinaan sia kamalamburan sia kamengkaolan.

2 KORINTUS 1:4

tu umpakatanaki’ lan mintu’ kamaparrisanta, kumua anta ma’din umpakatananni to nalambi’ ma’rupa-rupa parri’ tu pa’pakatana mangka Napakatanangki’ Puang Matua.

YESAYA 49:8

Nakua kadanNa PUANG: Kutanannimoko talinga lan attu kamasorokan sia Kutunduiko lan attu kamanamanan: la Kurinding pala’ko sia la Kupadadiko basse lako bangsa iato mai, la umpasulei tama dandanna tu padang iato sia napourungi umpoapa polei sule tu padang mana’ talona tau iato mai,

1 TIMOTIUS 1:16

Apa inde sia tu bannangna angku mangkamo dikamasei, tu kumua iatu aku losongna kasalan Nanii umpa’pekitanan nasangi Yesu Kristus tu kama’tanan penaanNa, angku dadi misa’ sangka’ lako mintu’ to ma’patongan tete dio Kalena undinna, umpangudui katuoan sae lakona.

PA’PUDIAN 91:7

Sangsa’bu tau tibambang dio sa’demu, sia sanglampa dio kananmu; apa tae’ nala ullambi’ko.