PA’PUDIAN 32:5 - Sura' Madatu

⁵ Angku tuarasan kasalangku mati’ Kalemi, sia tae’ angku buni kakadakeangku; kukuami ma’kada: La unnakuna’ kapatodo-tintingangku lako PUANG. Sela AmMi pa’deimi tu kakadakeangku sia kasalangku.

PA’PUDIAN 32:5 Referans Kwoze

SARAMBU PEADA’ 28:13

Minda-minda tu ussamboi kapatodo-tintinganna, tae’ nala maupa’, apa minda-minda unnakui sia umboko’i la ungkabu’tui kamaturu-turuan.

2 SAMUEL 12:13

Nakuami Daud lako Natan: Kasalammo’ lako PUANG. Nakuami Natan lako Daud: Napa’deimo PUANG tu kasalammi, kumua da mimate.

PA’PUDIAN 38:18

Belanna madomi’mo’ la tobang, sia iatu kamasussangku dio bangmo tingayoku.

YESAYA 65:24

La dadi, iake tae’pi nameongli’ tu tau iato mai, la mebaliMo’ sia iake marassan bangsiai ma’kada, la Kutarimamo.

HOSEA 6:1

Maikomi, anta sule lako PUANG! Belanna Iamo mangka usserek-serekki’, sia Ia la umpamondoki’, Ia umbambaki’, sia Ia la umbimbinki’.

AYUB 33:27

Pakalan napa’perangiammi lako tolino tu penanianna sia ma’kada nakua: Mangkamo’ kasalan sia umpakelok salunna, apa tae’ angku dipabala’i.

2 SAMUEL 24:10

Apa iatonna mangkamo unnia’i tu mintu’ pa’tondokan, ma’parondomi tu penaanna Daud, anna ma’kada tu Daud lako PUANG, nakua: Mandu tonganmo’ kasalan umpogau’i tu iannato; melo, o PUANG, pa’dei dikka’ tu kasalanna taumMi, belanna ma’gau’ to bagana’.

PA’PUDIAN 103:12

Pada sikambelanna matallo anna matampu’, pada duka mambelanna to Nanii Puang umpatoyangi dio mai kaleta tu salata.

PA’PUDIAN 30:5

PakendekanNi pa’pudian tu PUANG, e mintu’ tu to Naala mase, sia pudii tu sanga madatunNa.

EFESUS 4:32

Sangadinna pantan sikasokanangkomi sia siala mase, sia sipagarri’komi, susi Puang Matua umpa’dei tu kasalammi tete dio Kristus.

LUKAS 7:47

Iamoto Kukua mati’: Mintu’na sala-budanna dipa’dei nasangmo, belanna umpa’pekitanan buda kamamasean, apa minda-minda sidi’ri kadipa’deianna kasalanna, sidi’ dukari kamamasean napa’pekitanan.

PA’PUDIAN 103:3

Tu umpa’dei mintu’ salamu, sia umpamondo mintu’ sakimmu.

PA’PUDIAN 86:15

Apa kamu, o Puang, tu Kapenomban sumpu mamase sia sa’pala buda, sia kalando pesuka’ sia kapua tu kamasokanamMi sia kamarurusamMi.

PA’PUDIAN 86:5

Belanna Kamu to masokan, o Puang, sia malangngo’ penaamMi umpa’dei salana tau, sia kapua kamaturu-turuamMi lako mintu’ to umpengkamoyaiKomi.

2 SAMUEL 12:9

Ma’apai ammu tapa’ bangi tu kadanNa PUANG, ammu pogau’i tu apa kadake dio pentiroNa? Mupesuan umpatei pa’dang tu Uria, to Het, ammu pobainei tu bainena, sia kalena mupatei pa’dangna to Amon!

YOSUA 7:19

Ma’kadami tu Yosua lako Akhan, nakua: E anakku, pangke’i tu PUANG, Kapenombanna to Israel, ammu mangaku lako; pokadanna’ tu apa mupogau’, da mubunianna’.

YEREMIA 3:13

Apa la mutandai tu kakadakeammu kumua mangkamoko sorong boko’ dio mai PUANG, Kapenombammu sia male punala bangko lako to sae diong lu garonto’ kayu maluna sia tae’ muperangii tu gamarangKu, kadanNa PUANG.

YEREMIA 2:35

Ondong polepi baranipoko ma’kada, kumua: Tae’ kukasalan, sia inang toyangmo tu kasengkeanNa dio mai kaleku. Tonganna la Kuukungko, belanna mukua: Tae’ kupogau’ kasalan.

YEREMIA 2:23

Umba mukua la ma’kada kumua: Tae’ aku kuruttakki kaleku, tae’ aku kuturu’i tu mai Baal? Tiromi tu lalanmu diong lombok, sia la muissan tu apa mangka napogau’, e unta mangura tu ma’dondo lu lako lu dio mai.

SARAMBU PEADA’ 30:20

Susimote tu lalanna baine pasandak salu lako rampanan kapa’: Ianna mangka kumande napa’diimi tu pudukna, anna ma’kada, nakua: Tae’ kupogau’ kadake.

MALEAKHI 3:8

Ma’dinraka tu tolino urrampa apanNa Puang Matua? Moi tae’ nama’din mirampa duka tu apangKu. Ma’kadakomi mikua: Umbara kikua urrampai, tu apamMi? Bannang dio pissan taa sangpulona tu mintu’ apa sia pa’duruk.

AYUB 31:33

iangku samboi tu kapatodo-tintingangku susi Adam, belanna kubuni tu salaku lan ara’ku,

LUKAS 16:15

Apa Nakua Yesu lako tu tau: Kamumo tu ussanga bang kalemi to malolo dio tingayona tau, apa Naissan duka sia Puang Matua tu penaammi; iatu nasanganna tolino kapua, iamo Nakagi’gi’na Puang Matua.

YEREMIA 31:20

Tang anak pa’kaboro’Kuraka tu Efraim, tang anak Kukamasei tonganraka, Kuurunganni pempiran-piran umpokadai tu a’ganna, tontong bang Kuparinaa? Iamoto tiakka’ tu penaangKu diona a’ganna; manassa la Kukaturu-turui, kadanNa PUANG.

SURA’ KATOMINAAN 5:5

Iake den naposala lan te misa’ apa iato, la naaku tu kasalan napogau’,

2 SAMUEL 24:17

Iatonna tiromi Daud tu malaeka’ umparampo kasanggangan dio lu pa’tondokan, nakuami lako PUANG: Akumora te, akumo tu kasalan, sia akumo umpogau’i tu kakadakean. Apa iate mai domba, apara ia napogau’? Elo’namo Mipata’paina’ lima sola mintu’ rapungku.

1 DATU 8:50

Sia la Mipa’dei tu mintu’ kasalan napogau’ taumMi lako Kalemi, sia kapatodo-tintinganna ullendai pepasanMi sia pabu’tuanni kamamasean lan penaanna tu to umpali’i naurunganni ungkamasei tu tau iato mai.

2 OSSORANNA DATU 6:29

sala umbanna passambayang ba’tu pengkamoya tu la napennoloan minda-mindannai tau ba’tu mintu’ taumMi Israel, belanna pantan natandai tu kamaparrisanna sia kamasussanna, naurunganni mempala’ lan banua iate:

EZRA 10:11

Apa totemo pangke’i tu PUANG, Kapenombanna nene’ todolomi, sia pogau’i tu apa nakalo’ penaanNa sia toyangangkomi kalemi dio mai mintu’ bangsa lan tondok iate sia dio mai mintu’ baine senga’.

PA’PUDIAN 25:16

Sailena’ sia katuru-turuina’, belanna disitampeina’ sia maparri’na’.

PA’PUDIAN 25:18

Tiromi tu kamaparrisangku sia kamapa’dirangku, sia pa’deimi tu mintu’ kasalangku.

PA’PUDIAN 38:19

Belanna la untuarasanna’ kakadakeangku, sia rosso penaangku natumang kasalangku.

PA’PUDIAN 51:6

Mati’ Kalemi, ondong mati’ manna Kalemi kuniimo kasalan, sia umpogau’ apa kadake dio pentiroMi, kumua amMi sanda tonganna lan bisaramMi, sia malambu’ lan pa’paolaimMi salu.