PA’PUDIAN 32:2 - Sura' Madatu

² Maupa’ tu to tang Nareken PUANG tu kakadakeanna, sia to tae’ kalando-pa’duan lan ba’tengna.

PA’PUDIAN 32:2 Referans Kwoze

YOHANES 1:47

Nakitami Yesu tu Natanael sae lako Kalena, Nama’kada umpokadai tu a’ganna Nakua: Tiromi tu misa’ to Israel tongan, tu tae’ tangnga’ kadake dio kalena!

KADA OMBO’ LAKO RASULU’ YOHANES 14:5

Sia tae’ ia mo’rang diappa’ dio pudukna sia tae’ sayuanna.

SURA’ KATOMINAAN 17:4

anna tae’ nabaai lako to’ ba’ba Tenda Kasitammuan, kumua napennoloan napopemala’ lako PUANG dio tingayo kemaNa PUANG – manassa iatu rara iato la dipatanggungi tu tau iato, belanna umpatibollo rara; iatu tau iato la disabu’i lan mai bangsana.

2 KORINTUS 1:12

Belanna iatu kapassattuangki, tu natonganan sukaran inaangki, kumua iatu gau’ki lan te lino, ontongpi lako kamu situru’ kamaindanan sia kamaseroan, lu dio mai Puang Matua, tangngia situru’ kakinaan katolinoan, sangadinna diona pa’kamaseanNa Puang Matua.

ROMA 5:13

belanna tae’pa Sukaran aluk, nainang lanmo lino tu kasalan; apa tae’ nadireken tu kasalan, tonna tae’pa Sukaran aluk.