PA’PUDIAN 30:5 - Sura' Madatu

⁵ PakendekanNi pa’pudian tu PUANG, e mintu’ tu to Naala mase, sia pudii tu sanga madatunNa.

PA’PUDIAN 30:5 Referans Kwoze

2 KORINTUS 4:17

Belanna iatu kamaparrisanta tu maringngan bangsia sia tae’ nasangapa, umpabu’tuangki’ misa’ ma’kalolokanna kamala’biran matontongan,

MATIUS 5:4

Maupa’ tu mintu’ to masussa, belanna tau iato la dipakatana.

YESAYA 26:20

Maikomi, e taungku, tamakomi sumbung iringmi, ammi salli’i tu ba’bami: membunikomi sattu’, sae lako merena tu kasengkean.

PA’PUDIAN 103:9

Tae’ anNa tontong bang unggagaiki’, sia tae’ Nala tontong bang sengke.

PA’PUDIAN 16:11

Mipokadanna’ lalan katuoan; dio oloMi den kaparannuan media’i; sia dio kananMi den kasode-sodean tontong sae lakona.

PA’PUDIAN 63:3

Susimoto la kunii umpenunuKomi lan inan kabusungan, la untiro kuasamMi sia kamala’biramMi.

PA’PUDIAN 59:16

Tau iato mai palong undaka’ kande, sia unnurrung-urrung, ke tae’i nadia’,

PA’PUDIAN 46:5

Den misa’ salu: iatu salossokna umpopaiman kotaNa Puang Matua, inan mandu maindan naisungi Patodoranna.

PA’PUDIAN 143:8

Pasomboanna’ kamasokanamMi, ke makale’, belanna sande’ mati’na’ Kalemi; patiroanna’ tu lalan sipatu la kuola, belanna Mati’ kunii umpakendek penaangku.

PA’PUDIAN 103:17

Apa iatu kamasokananNa PUANG tempon dio mai landa’ lako attu situran, lako mintu’ to ungkataku’I, sia iatu kamaloloanNa untaranak lanto mimi’na.

KADA OMBO’ LAKO RASULU’ YOHANES 22:17

Ma’kadami tu penaa sola baine ma’kapa’ nakua: MaiKomi! Sia iatu to urrangii, melo ke nakua dukai: MaiKomi! Na iatu to ma’rang, melo ke saei, sia minda-minda morai, melo ke natimbai tu uai katuoan tang dibaya’.

HOSEA 6:3

Moraiki’ untandai tu PUANG, tapengkullei untandai. Tonganna la bu’tu lako kaleta, susito kabu’tuanna arrang melambi’. Attu iato Nata’paiki’ susito uran, susito uran undi, tu ussakka’i padang.

KADADIAN 32:24

Sangadinna Yakub mannamo torro misa-misa; denmi misa’ muane nasila’karan sae lako tibangka’na masiang.

KADA OMBO’ LAKO RASULU’ YOHANES 22:1

Napakitammo’ misa’ salu nanii uai katuoan, malino susi kinang lolong dio mai to’ isungan kapayunganNa Puang Matua sia Anak domba.

KATASSURAN 3:15

Ma’kadami tu Puang Matua lako Musa, nakua: Susimo la mupokada lako to Israel, kumua: Iatu PUANG, Kapenombanna nene’ to dolomi, Iamo Kapenombanna Abraham, Ishak na Yakub ussuana’ sae lako kalemi sia Nakua: iamote tu sangangKu tontong sae lakona sia sanga iamote tu misiosso’i la ussa’bu’Na’.

PA’PUDIAN 47:7

PakendekanNi pa’pudian tu Puang Matua, pakendekanNi pa’pudian, pakendekanNi pa’pudian tu Datunta.

PA’PUDIAN 97:12

E kamu to malambu’, la umpoparannukomi PUANG, sia pudii tu sanga maseroNa.

PA’PUDIAN 145:10

Mintu’ penggauramMi la umpudiKomi, o PUANG, sia mintu’ to masallo’Mi la umpangke’Komi;

YESAYA 12:1

Allo iato la ma’kadako mukua: La kupudi-pudikomi, o PUANG, belanna moi amMi sengkeina’, apa meremo tu sengkeMi, Mipakatanamo’.