PA’PUDIAN 30:2 - Sura' Madatu

² La kupekalangka’iKomi, o PUANG, belanna Miangka’mo’ langngan, sia tae’ Mieloranni tu ualingku umposendei tu diona kasanggangangku.

PA’PUDIAN 30:2 Referans Kwoze

2 DATU 20:5

Tibalikko sule sia pokadanni Hizkia, arungna taungKu, kumua: Inde sia tu kadanNa PUANG, Kapenombanna Daud, nene’ to dolomi, nakua: Kurangimo tu passambayangmu sia Kutiromo tu mintu’ uai matammu; manassa la Kupamondoko, anna allo ma’pentallun mumale langngan banuanNa PUANG.

PA’PUDIAN 6:2

O PUANG, da Miukungna’ kasengkeamMi, sia da Mipa’di’ina’ kamare’dekamMi!

PA’PUDIAN 147:3

Ia umpamondoi tu mintu’ to bonnong penaanna, sia Nabimbin tu mai bangkena.

KATASSURAN 15:26

Sia ma’kadapa tu Puang, Nakua: Iake muperangii tonganni tu kadanNa PUANG, Kapenombammu sia mupogau’ tu apa malambu’ dio oloNa sia mutananni talinga duammu tu mintu’ pepasanNa sia mukaritutui tu mintu’ apa Napondok, manassa mintu’ tu saki Kupata’pa lako to Mesir, moi misa’ tae’ la Kupata’pa lako kalemi, belanna Akumo PUANG, To ma’dampimmu!

PA’PUDIAN 88:13

Ma’dinraka tu mintu’ penggauran kalle-kalleanMi naissan tau lan lu kamalillinan? Sia iatu kamaloloamMi dio tana dinii tang mangingaran?

KADADIAN 20:17

Napassambayangammi Abraham tu Abimelekh sola ma’baine sia mintu’ baine sabua’, anna kianak pole sule.

PA’PUDIAN 51:8

Tonganna Mianga’ tu kamanapparan lan ba’teng sia lan lu tang dikitanna Minii umpasomboanna’ kakinaan.

PA’PUDIAN 118:18

Napa’dikki tonganna’ PUANG, apa tae’ anNa eloranna’ lako kamatean.

PA’PUDIAN 35:24

O PUANG, o Kapenombangku, paolaina’ salu sitinaya kamaloloamMi. Da anna poparannui tau iato mai tu diona a’gangku.

PA’PUDIAN 41:12

Naindeto kunii unnissanni kumua Miporaina’, ke tae’i napoparannu paimanni ualingku tu kasanggangangku.

PA’PUDIAN 145:1

Nanian pa’pudi-pudianna Daud. La kupakarayaKomi, o Kapenombangku, o Datungku, sia la kupudi tu sangamMi tontong sae lakona.