PA’PUDIAN 30:1 - Sura' Madatu

¹ Pa’pudian dipopenani ma’kure sumanga’ urrara banua kabusunganNa Puang Matua. Pa’pudianna Daud.

PA’PUDIAN 30:1 Referans Kwoze

PA’PUDIAN 25:2

O Kapenombangku, Kamumo kukatappa’i; ke ma’dinni da angku kasirisan, sia da nasende paiman tu ualingku diona kataloangku.

PA’PUDIAN 35:19

Da anna parannu tu to tae’ bannangna nanii unnualina’, sia da maro’ Mieloranni tu to ungkabiri’ punala bangna’ untelle-tellena’ pa’kidi’ matanna.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

PA’PUDIAN 140:8

O PUANG, Puangku, patunduan matoto’ku, Misarongi tu ulungku ke tiosokki lempo kasirarian.

PA’PUDIAN 13:4

Tirona’ sia perangiina’, o PUANG, Kapenombangku! Pamabaliga’i tu matangku, da angku mamma’ kupourungi mate.

2 SAMUEL 5:11

Iatu Hiram, datu Tirus, ussua pesuanna lako Daud umbaa kayu arasi’ sia ba’tu pira-pira pande kayu sia to ma’pa’ batu, anna pabendanan Daud misa’ tongkonan layuk.

BATING 2:15

Mintu’ to lendu’ lalan massala’pa-la’pa diona a’gammu. Ma’telle-telle sia unniling-iling diona a’ganna anak dara Yerusalem, nakua: Iamoraka te tu kota tu disanga sundun kamaballoanna, tu napopaiman mintu’ issinna lino?

PA’PUDIAN 145:1

Nanian pa’pudi-pudianna Daud. La kupakarayaKomi, o Kapenombangku, o Datungku, sia la kupudi tu sangamMi tontong sae lakona.

PA’PUDIAN 79:10

Apara bannangna anna la ma’kadara tu to kapere’ kumua: Umbamira tu Kapenombanna? Melo ke naissanni to kapere’ dio tingayoki, tu diona kaMipembalianganna tu mai rarana taumMi tu mangka dipato’do.

PA’PUDIAN 41:11

Apa Kamu, o Puang, kamaseina’ dikka’ sia pamillikna’, angku pabala’i tu tau iato mai.

PA’PUDIAN 28:9

Lendokanni tu taumMi sia pamasakkei tu mana’Mi, kambi’i sia kaduttu’i sae lakona.

PA’PUDIAN 27:6

Na totemo natongloi ulungku tu mintu’ ualingku tiku lao. Sia la umpemalaranna’ pangurandean situang arrak lan tendaNa, la sumengona’ sia la kupenanian pa’pudian tu PUANG.

1 OSSORANNA DATU 21:6

Apa iatu bati’na Lewi sia bati’na Benyamin tae’ napaalai bilangan, belanna napomagalli Yoab tu parentana datu.

2 SAMUEL 24:25

Na inde to nanii Daud umpabendananni PUANG tu misa’ inan pemalaran, napemalaranni tu pemala’ ditunu pu’pu’ sia pemala’ kasalamaran. Natarimami PUANG tu passambayangna sia Nakamasei tu tondok anna dipatoyang tu kasanggangan dio mai to Israel.

2 SAMUEL 7:2

Ma’kadami datu lako nabi Natan, nakua: Aku te unnisungna’ lan tongkonan layuk kayu arasi’ na iatu pattinNa Puang Matua unnisung lan tenda dikulambu.

2 SAMUEL 6:20

Iatonna sule tu Daud la umpassakke to lan tongkonan layukna, tassu’mi tu Mikhal, anakna Saul sitammu Daud, anna ma’kada nakua: Lendu’ ia dipakala’bi’na tu datu to Israel allo iate, nalossokan tu pakeanna allo iate dio tingayona mintu’ kaunan baine tu napokaunan to mase’ponna datu, butung misa’ to tang unnangga’ kalena sia tang masiri’ ullossokan pakeanna!

PA’TOLE 20:5

Sia la ma’kada tu mai mantari’ lako to buda nakua: Minda tu umbangun banua ba’ru, apa tae’pa nanii? Dieloran male sule lako banuanna, kumua da nasabu’ lan kapararian, sia nanii to senga’ tu banuanna.

PA’PUDIAN 79:4

Napobe’seammokan sangtondokki, sia Napotule’-tuleran sia Napoparumbasanmokan bali lembangki.

PA’PUDIAN 66:17

Sunmo dio pudukku meongli’ lako Kalena, natiba’tik tu lilaku umpudi-pudi Puang.

2 SAMUEL 20:3

Iatonna rampomo Daud tama tongkonan layukna dio Yerusalem, naalami datu tu baine sangpulo, iamotu gundi’na, tu nasua torro ungkampai tongkonan layuk, anna popa’kampai. Anna karitutui, apa tang nalombanmo datu. Torro misa bangmi tu tau iato susito baine balu sae lako matena.

1 DATU 8:63

Iatu pemala’ kasalamaran tu napemalaran Salomo lako PUANG, duangpulo ndua sa’bunna tu sapi sia saratu’ duangpulo sa’bunna tu domba sola bembe’. Susimoto tu datu sola mintu’ to Israel urrarai tu banuanNa PUANG.