PA’PUDIAN 3:8 - Sura' Madatu

⁸ Ke’de’Komi, o PUANG, amMi lendokanna’, o Kapenombangku! Belanna mangkamo Mila’pakki tu parangka sadangna ualingku, sia mangkamo Mitepok tu mai isinna to tang mekaaluk.

PA’PUDIAN 3:8 Referans Kwoze

YESAYA 43:11

Aku, Akumote tu PUANG, nasaliananna Aku tae’ tu Pela’bak senga’.

YUNUS 2:9

Apa iatu aku, la memala’na’ lako Kalemi dipasituang pa’pudi-pudian, sia la Kusundunni tu pangallonan, tu mangka kuallu’. Kadirampanan iato lu dio mai PUANG.

HOSEA 13:4

Apa Akumo tu PUANG, Kapenombammu, tempon dio mai Mesir, tae’ Kapenomban mutandai sangadinna Aku sia tae’ misa’ to merampanan sangadinna Aku.

KADA OMBO’ LAKO RASULU’ YOHANES 7:10

metamba-tambami umpekapuai gamaranna nakua: Mintu’na kadipangkeran lu lako Puang Matua tu unno’ko’ dao isungan kapayungan, sia lako Anak domba, oto’na kamakarimmanan.

EFESUS 1:3

Mintu’na kadipudian lu langngan Puang Matua, tu Ambe’Na Puangta Yesu Kristus, tu mangka umpasiriaki’ mintu’ kamauparan mempenaa dao suruga lan Kristus.

PENGGAURANNA RASULU’ 4:12

Tae’ naden kamakarimmanan dio misa’ duka tau; belanna lan nasambo langi’ tae’ sanga senga’ dipa’kamasean lako to lino tu sipatunna la tapomakarimman.

SARAMBU PEADA’ 21:31

Iatu darang dipasakka’, ke allo kapararian, apa iatu kapataloan lu dio mai PUANG.

PENGGAURANNA RASULU’ 3:26

Kamumo tu ma’iringanna Napamalimbangunan Puang Matua tu TaunNa sia ussuaI la umbenkomi kamasakkean, kumua mipantan mengkatoba’ dio mai kakadakeammi.

PA’PUDIAN 72:17

Sangapaoi anna tontong sae lakona tu sanganna, ondongpi, ke den siapi tu allo, la maupa’ tu sanganna. Tete dio kalena anna marudindin tu mintu’ bangsa, sia la nasanga kumua rongko’ ia.

YEREMIA 3:23

Tonganna iatu mintu’ tanete sia kamamakanna mintu’ buntu pa’pakena manna napabu’tu; manassa PUANG Kapenombanta Iamo oto’na kasalamaranna to Israel.

KADA OMBO’ LAKO RASULU’ YOHANES 19:1

Undinnato kurangimi tu oni susi misa’ gamara kapuana to buda lan suruga ma’kada nakua: Haleluya! Kapenombanta unnampui kamakarimmanan sia kamala’biran sia kapaan,

PA’PUDIAN 29:11

PUANG la umpa’kamasean kamatotoran lako taunNa, PUANG la umpassakkei kamarampasan tu taunNa!

1 PETRUS 3:9

da ammi papakkanni kakadakean tu kakadakean, ba’tu sere kada dipakkanni sere kada, sangadinna palakuanni karongkosan, belanna iannamorato tu ditambangkomi, kumua ammi pomana’ karongkosan.

IBRANI 6:14

Nama’kada kumua: Tonganna tongan la Kupamaupa’ko upa’ ma’iringanna sia la Kupamabatiran tonganko.

KADIBILANGAN 10:35

Iake ke’de’mi tu patti, ma’kadami tu Musa nakua: Ke’de’mokomi, o PUANG, kumua na iatu mintu’ ualimMi tisambo’-sambo’ sia iatu to ungkabiri’Komi mallai dio mai oloMi.

2 SAMUEL 23:12

bendanmi lan tangnga pa’lak iato, napangeai tu pa’lak iato, anna taloi tu to Filistin. Napadenmi PUANG misa’ kapataloan kapua.

PA’PUDIAN 9:20

Ke’de’Komi, o PUANG, da napasau’ tu tolino, melo ke dipakannai ukungan tu mintu’ bangsa dio oloMi.

PA’PUDIAN 31:16

Iatu toto’ku lan lisu pala’Mi; rampananna’ dio mai lisu pala’na mintu’ ualingku sia dio mai mintu’ to unnula’ sumpuna’.

PA’PUDIAN 58:7

O Puang Matua, nisak-nisakki tu mintu’ isinna lan sadangna tau iato mai, rebong-rebongi tu mintu’ torana anak singa, o PUANG;

PA’PUDIAN 119:94

Akumo tu taumMi; lendokanna’ dikka’, belanna umpengkaolaimo’ mintu’ parentaMi.