PA’PUDIAN 29:10 - Sura' Madatu

¹⁰ Iatu PUANG unnisungmo dao lu uai buda, ondongpi iatu PUANG unnisung butung datu sae lakona.

PA’PUDIAN 29:10 Referans Kwoze

PA’PUDIAN 10:16

PUANGmo tu Datu tontong sae lakona. Mintu’ bangsa maipi’mo lan mai padangNa.

KADADIAN 6:17

Tonganna la kupasae tu uai saba’ lan te lino la ussabu’i mintu’ angge menaa nasambo langi’ sia mintu’na apa lan lino la sisarak angin dipudukna.

1 TIMOTIUS 1:17

Mintu’na kadipangkeran sia kamala’biran lu lako Datu umparenta attu siosso’ Iamo Puang Matua tu tae’ kasangganganNa sia tang dikita, sia Puang Misa’ri, tontong sae lakona. Amin.

MARKUS 4:41

Lendu’mi mataku’na, napantan sipa’kada-kada nakua: Mindaraka Ia te Tau te, na moi angin sia tasik unturu’ dukai tu parentaNa.

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

DANIEL 2:44

Lan attunna mintu’ datu iato la Napabendan Puang Matua dao suruga tu misa’ kadatuan tang la sanggang len sae lakona sia iatu parentana kadatuan iato tang la lele len lako bangsa senga’: iamo la unnisak-nisakki sia la umputtai tu mintu’ kadatuan dipokada undinna, apa ia manna ia la marendeng sae lakona,

PA’PUDIAN 99:1

PUANG tu untoe kapayungan – la ma’parondo mintu’ bangsa. Ia unnisungi karubion la rumonting te lino.

PA’PUDIAN 93:1

PUANG untoe kapayungan; Ia umpobayu sielle’ kabarrealloan; Iamo bayu sielle’Na Puang to, sia umpotambeke’ kapaan. Iate lino bantangmo, tae’ anna la tiberu susuk.

PA’PUDIAN 65:7

Tu diona kamatotoramMi amMi pabantang buntu, belanna umpotambeke’Komi kakuasan.

PA’PUDIAN 29:3

Iatu gamaranNa PUANG gumalugu dao lu uai, iatu Puang Matua sumpu mala’bi’ umpamagaluntu’ guntu’, Iamotu PUANG untongkonni mintu’ uai buda.

AYUB 38:25

Mindara ungkalii tu kalo’na uran kamban sia unggaragan lalan lila kila’,

PA’PUDIAN 9:8

Apa iatu PUANG unnisungi isunganNa tontong sae lakona, sia napatorro melomo tu isunganNa la Nanii ma’paolai salu.