PA’PUDIAN 28:9 - Sura' Madatu

⁹ Lendokanni tu taumMi sia pamasakkei tu mana’Mi, kambi’i sia kaduttu’i sae lakona.

PA’PUDIAN 28:9 Referans Kwoze

YESAYA 40:11

La Nakambi’ tu baanan dombaNa susito mangkambi’, la Napasipulung tu anak domba tama limanNa, anNa sembe’i; ia duka tu umpasusunnapa anakna la Napela’-pela’ Naramba.

PA’PUDIAN 78:71

Nasarakki dio mai boko’na mintu’ domba sumusu la ungkambi’ Yakub, taunNa, sia Israel to Napotau.

PA’TOLE 9:29

Manassa tau iate bangsaMi sia tau mana’Mi, tu Misolan tassu’ tete dio kakapuanna kamatotoramMi sia takia’ tie’te’Mi.

MATIUS 2:6

E Betlehem, dio tana Yehuda, inang tae’ ia nala iko bitti’na tu mintu’ pangulu Yehuda, belanna iko nanii sun misa’ panglalan, tu la ungkambi’ taungKu to Israel.

YESAYA 63:9

Mintu’ kapu’duranna tau iato mai Napokapu’duran duka, na tau iato mai Narampanan Malaeka’ tu umpaombo’ Puang. Belanna pa’kaboro’Na sia kamamaseanNa Nala’bakki tu tau iato mai sia Naendekanni sia Naindo’i lan mintu’ attu tempon dio mai dolona.

EZRA 1:4

Minda-minda tu torropa dio umba-umba nanii butung to mentiruran la natundui sangtondokna nabenni salaka sia bulaan sia ianan sia patuoan, senga’pi tu misa’ pa’kamase tanning inaa, disorong lako banuanNa Puang Matua, tu unnisungi Yerusalem.

1 DATU 8:51

Belanna iatu tau iato mai taumMi sia mana’Mi, tu mangka Misolan tassu’ lan mai Mesir, lan mai to’ dapo’ bassi.

EFESUS 1:18

Iamotu mata penaammi Napemarorrongi, ammi tandai apa tu dirannuanan diona petambaNa Puang Matua sia tumba kapuana tu kamala’biranna mana’ pa’ba’ginNa nadulu to masallo’;

PA’PUDIAN 25:22

O Puang Matua, lendokanni tu to Israel, Lan mai mintu’ kamaparrisanna!

1 DATU 8:53

Belanna Mipamarimbanganammo Kalemi tu tau iato mai dio mai mintu’ bangsa dao kuli’na padang, susitu mangka Mipokada nalopian Musa, taumMi, tomMi solanni tu nene’ to doloki tassu’ lan mai Mesir, o Puangki PUANG.

MIKHA 7:14

Kambi’i tekkenMi tu taumMi, iamotu tuntunan domba mana’Mi, tu torro makarorrong lan lu pangala’, lan lu tangnga padang malompo. Popa’elo’nai ungkande riu dio lu Basan sia dio Gilead, susitu attu dolo-dolona.

MIKHA 5:2

Iamoto la Nasa’biangan Puang tu tau iato mai sae lako attu, kumua iatu tau la kianak, kianakmo. Attu iato iatu to torropa tu siulu’na la sule sola to Israel.

YEREMIA 31:7

Belanna nakua kadanNa PUANG: Unnarrak-arrakkomi diona Yakub, sia kumalasi-lasikomi diona pangulunna mintu’ bangsa; pa’petaleranni sia pudii sia ma’kadakomi kumua: Narampanammo PUANG tu taunNa, iamotu to Israel torronapa.

YEREMIA 10:16

Apa tae’ nasusito tu taana Yakub; Iamo Tokumombong sanda mairi’ sia garonto’ mana’Na to Israel: tu digente’ PUANGna mintu’, ma’dandan maritik.

YESAYA 46:3

PerangiiNa’, e bati’na Yakub, sia mintu’ tu taruk torronapa Israel, tu Kusompo randuk lan mai pa’tambukan sia Kuangka’ tempon lan mai inan tau.

PA’PUDIAN 14:7

Naludaomora mai Sion tu kamakarimmananna to Israel! Iake Napaka’pannimi PUANG sule tu serongna taunNa, maneri parannu paiman tu Yakub, la sende pakadua tu Israel.

MIKHA 5:4

Sia Ia la oto’na kasalamaran. Iake la tamai tondokta tu to Asyur sia iake la ullesei tongkonan layukta, manassa la tapabendanan pitu to mangkambi’ sia karua arung dio mai tolino la unneai,

2 SAMUEL 21:3

Nakuami Daud lako to Gibeon: Apara la ma’din kupogaurangkomi sia apara la kunii umpaden pengkalossoran, ammi passakkei tu mana’na PUANG?

2 SAMUEL 7:7

IatongKu salamba salaopa sola mintu’ to Israel, denmoraka Kupokada sangbuku kada lako misa’i tu pangulunna suku to Israel, tu Kusua umpetayanni taungKu Israel, kumua: Ma’apai ammi tang unggaraganNa’ misa’ banua kayu arasi’?

PA’TOLE 32:9

Belanna iatu taunNa tu Napotaa PUANG, Yakub iamo Napotaa mana’ Puang, tu disukaranni.

PA’TOLE 1:31

sia lan padang pangallaran, tu minii untiroi, umba Nakua tu PUANG, Kapenombammi, ussompokomi, susitu tau ussompo anakna, dio mintu’ lalan miolai, sae lako saemi inde te.

PA’TOLE 9:26

sia massambayangna’ lako PUANG. Ma’kadana’ kukua: O Puangku PUANG, da Mimangsanni te mai bangsaMi sia tau mana’Mi, tu Milendokan tete dio kapasareonganamMi sia Misolan lan mai Mesir tete dio lima mawatang.