PA’PUDIAN 28:7 - Sura' Madatu

⁷ PUANGmo kamatotorangku sia balulangku; Iamo nakatappa’i penaangku, angku appa’mo pa’tunduan. Iamoto anna sende paiman tu penaangku sia la kupakendekan pa’pudi-pudiangku.

PA’PUDIAN 28:7 Referans Kwoze

YESAYA 61:10

Iatu penaangku umpoparannu tongan PUANG, iatu deatangku unnarrak-arrak umposende-sende Kapenombangku, belanna Natamangkaleimo’ pakean kasalamaran, sia Napabayuina’ bayu lamba’ kamaloloan, sangtinti to muane diparampo ma’passapu susito minaa sia ten to baine diparampo umbeloi kalena.

EFESUS 6:10

Nama’katampakanna la bintinkomi lan Puang sia umpomatoto’ kamatotoran kuasanNa.

PA’PUDIAN 40:3

Mangkamo’ Naendekan diong mai liku nanii kasanggangan, diong mai buka mapullan, Napopellesei tu lentekku dao buntu batu, sia Napabantang tu tengkaku.

PA’PUDIAN 13:5

Da nama’kada tu ualingku kumua: kutalomo, sia da naparannu paiman tu balingku, ke tilende’na’.

PA’PUDIAN 28:8

PUANGmo kamatotoranna taunNa, sia Iamo tambakuku nanii kamakarimmananna taunNa tu mangka Natokko.

YESAYA 12:2

Inang Puang Matua tu oto’na kamakarimmanangku, marannuna’, sia tae’ kumataku’, belanna PUANG PUANG tu oto’na kamatotorangku sia pa’pudiangku sia Iamo kupomakarimman.

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

PA’PUDIAN 69:30

Apa iatu aku te mandasana’ sia mapa’di’na’, melo ke naongannina’ kamakarimmanan lu dio mai Kalemi, o Puang Matua.

PA’PUDIAN 22:4

Apa Kamumo tu To maindan, tu umposali lentek kapa’pudi-pudianna to Israel.

PA’PUDIAN 91:4

Iamo la unnonganniko pani’Na, sia diong kalepakNa munii mentilindung; kamarurusanNa tu mupobalulang sia mupokararran.

PA’PUDIAN 3:3

Buda tau umpokadana’ kumua: Tae’ pa’tunduanNa Puang Matua lako kalena. Sela

PA’PUDIAN 21:1

Lu lakona pangala sengo. Pa’pudianna Daud.

KADADIAN 15:1

Ta’kala tonna mangka tu mintu’nato, saemi kadanNa PUANG lako Abram lan patiro mendeata Nakua: Da mumataku’, e Abram, belanna Akumo tu balulang toto’mu sia rongko’ kapuamu.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.

PA’PUDIAN 46:1

Lu lakona pangala sengo. Misa’ pa’pudianna to Korah. Unturu’ baenan sengo: Anak dara. Misa’ sengo.

PA’PUDIAN 33:21

Iamoto naposendei penaangki, sia iamoto angki posande’i tu sanga maseroNa.

KADA OMBO’ LAKO RASULU’ YOHANES 15:3

Anna popenani nanianna Musa taunNa Puang Matua sia nanianNa Anak domba nakua: Kapua sia makalaen-laen mintu’ penggauramMi, o Puang Matua, Puang Umpoissan angge maritik; malambu’ sia tongan tu mintu’ lalanMi, o Datunna mintu’ bangsa.

PA’PUDIAN 19:14

Karitutui dukai tu taumMi dio mai kamatampoan, da nataloina’ tu kamatampoan; manera’ tang sayuan, sia masero pindan dio mai sala kapua.

YESAYA 45:24

Iatu diona Aku la nakua tau umpokadaNa’: Dio manna PUANG tu kamaloloan sia kamatotoran; saemo tu mai tau lako, apa la kasirisan tu mintu’ to mare’dek ara’na lako Kalena.

PA’PUDIAN 3:4

Apa, o PUANG, Kamumo tu balulang perindingku, Kamumo tu kamala’birangku, sia Kamumo tu umbangunan ulungku.

PA’PUDIAN 13:6

Apa urrannuanna’ kamasokanamMi, sia la parannu paiman tu penaangku diona kadilendokan Mipabu’tu! La menanina’ untendeng PUANG tu belanna kameloan Napogau’ lako kaleku.

PA’PUDIAN 37:39

Apa iatu kasalamaranna to malambu’ bu’tu lu dio mai PUANG, Iamo pentirerunganna lan attu kamaparrisan.

PA’PUDIAN 43:2

Belanna Kamumo Kapenomban pentirerungangku; ma’apari amMi tibemora’? Ma’apari angku lolang ma’pote dibolong, belanna pa’pakario-riona ualingku?

PA’PUDIAN 46:2

Iatu Puang Matua iamo pentilindungangki, sia oto’na kamatotorangki, misa’ pa’tunduan tongan lan kapussakan.