PA’PUDIAN 28:5 - Sura' Madatu

⁵ Belanna tae’ nadampangi tau iato mai tu mintu’ penggauranNa PUANG, ba’tu panggaraga limanNa, Iamoto la Napempa’nakan tu tau iato mai sia tae’mo anNa la umbangunanni sule.

PA’PUDIAN 28:5 Referans Kwoze

YESAYA 5:12

Iatu pa’maruasanna napamarua’ oni katapi, dandi, ganda’-ganda’ sia suling sia anggoro’, apa iatu penggauranNa PUANG tae’ anna palan ara’i sia tae’ anna sailei tu lalan limanNa.

ROMA 1:28

Tu belanna manoka untandai Puang Matua lan pangingaranna Napopa’elo’nami Puang Matua lako pa’pasirundunan megi’giran anna umpogau’ tang sipato’na;

YOHANES 12:37

Moi anna buda tongan tanda kalle-kallean Napogau’ Yesu dio tingayona tinde mai tau, apa tae’ duka napatonganNi,

PA’PUDIAN 10:5

Mintu’ lalanna tontong bang maupa’, iatu pa’paolaimMi salu tang nalambi’ tangnga’na langngan, sia mintu’ balinna natuai.

2 SAMUEL 7:13

Iamo la umpabendanan misa’ banua sangangKu na Akumo la umpabantangi tu isungan kadatuanna tontong sae lakona.

ROMA 1:20

Belanna tempon dio mai tipamulanna angge maritik, mintu’na a’gan tang dikitanNa, iamotu kamatotoran sia Kapuangan tontongNa sae lakona, ma’din nakanassa tangnga’ dio panampaNa; iamoto natae’ nabelai undakaran posanga kalena,

HOSEA 14:9

E Efraim, la siapaRa’ tu mintu’ rapang-rapang dipodeata? – Kutanding talingamo sia Kupenunumo, – Akumo tu butung kayu sanoba’ tu tontong maluna, dio Kaleku tu nanii bu’tu buammu.

YEREMIA 31:4

La Kubangunangko sule, ammu bendan sule, e anak dara Israel! La ma’beloko sule sia ma’dedek ganda’-ganda’ ammu tassu’ sola to ma’marua’-rua’ ma’gellu’.

YESAYA 45:18

Belanna nakua kadanNa PUANG, tu mangka umpadadi mintu’ langi’ iamotu Puang Matua – tu ungkombong lino sia umpadadii, Naparandanganni; tangia kumua la Napatangtibori’i, sangadinna Nakombong la ditorroi: Akumo PUANG, tae’ senga’na.

YESAYA 45:12

Akumo tu umpadadi lino sia ungkombong tolino tu untongkonni dao; limangKumo umpalumbang mintu’ langi’ sia Aku dukamo umparentai tu mintu’ ma’dandan maritik dao.

YESAYA 45:8

Tumarantankomi, e langi’, sia e mintu’ salebu’, patibolloi tu uran kamaloloan; la tikillang tu lipu daenan, anna tuo tu kasalamaran, sia pada napopellolo kamaloloan; Akumo, tu PUANG, tu umpaden nasangi te.

YESAYA 40:26

Mentingarakomi langngan, ammi tiroi; mindara umpadadi te mintu’ ma’dandan maritik dao? Iamotu Puang tu umpopa’lengkoanni tassu’ tu sangtuntunan kapua baananna sia tu untambai simisa’-misa’i sanganna tu mintu’nato tete dio kakapuanna matoto’Na sia kakapuanna paanNa; na moi misa’ tae’ torro.

YESAYA 22:11

Migaragan limbongan naparitangnga benteng tembo’, mipaolanni tu uai dio mai limbong dolo; apa tae’ ammi mentingara langngan To mangka umpadenni, sia tae’ ammi mentiro lako To mangka ullampakki tempon dio mai.

PA’PUDIAN 104:24

Tumba ia budanna tu mintu’ penggauramMi, o PUANG! Kamumo tu mangka ungkombong nasangi to tete dio kamatarrusamMi; anna ponnoi pa’padadimMi tu lino.

1 DATU 11:38

Iake muperangii tu mintu’ apa Kupasan lako kalemu sia lolangko unturu’ lalanKu, sia umpogau’i tu apa malolo dio pentiroKu, iamotu ungkaritutui apa Kupondok sia apa Kupasan, susi tu napogau’ Daud, taungKu, manassa la Kurondongko sia la Kubangunangko misa’ tongkonan matontongan, susitu mangka Kubangunan Daud, sia la Kukamaseangko tu to Israel.

2 SAMUEL 7:27

Belanna, kamu, o PUANGna mintu’ ma’dandan maritik, Kapenombanna to Israel, umpaombo’i lako pa’peranginna taumMi, Mikua: Aku la umpabendanangko misa’ banua. Iamoto anna potiakka’i penaanna te taumMi la umparampoi te passambayang iate lako oloMi.

KADIBILANGAN 23:23

belanna tae’ gai’na tu kada la ullangdo Yakub, sia pa’basa-basa la dinii unnea Israel. Totemo melo ke dipokadai tu diona Yakub sia diona Israel apa tu la Napogau’ Puang Matua.

PA’PUDIAN 8:3

Dio pudukna pia sia pia malia Minii untanan kamatotoran unno’ton mintu’ ualimMi, amMi tang umpasumui tu mintu’ ualimMi sia to untambuk essun.