PA’PUDIAN 28:3 - Sura' Madatu

³ Da Mipasiurakkina’ to tang mekaaluk, sia sola to umpogau’ kakadakean, tu umpokada mammi’ sola-solana, apa lan penaanna den tangnga’ kelok.

PA’PUDIAN 28:3 Referans Kwoze

PA’PUDIAN 55:21

Mangka duka napata’pai lima tu to nasisangmuanean, sia umpinda lampa kadanna.

PA’PUDIAN 12:2

Karitutui, PUANG, belanna tae’mo to mengkaola, sia madarang sa’pemo tu to maruru’ dio lu mintu’ ma’rupa tau.

PA’PUDIAN 26:9

Da Mipasialai deatanna to kadake gau’na tu deatangku, ba’tu sunga’ku na sunga’na to umpato’do rara.

MIKHA 3:5

Inde sia tu kadanNa PUANG diona mintu’ nabi, tu umpapusa taungKu, sia iatu ma’kada nakua: maupa’, ke denni apa nakeke’, apa iatu to tae’ bang apa nasuak, nasa’buran rari, nakua:

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

PA’PUDIAN 62:4

Sangapaparokomi la umbala’-bala’ tau? Ammi dipasiapanan nasang sangtinti rinding la songka, sia tembo’ la rondon.

PA’PUDIAN 36:4

Mintu’ tu kada sun dio pudukna kakadakean manna sia kalando-pa’duan manna, tae’mo anna lolang kinaa sia tae’mo anna pogau’ kameloan.

PA’PUDIAN 10:14

Manassa Mitiro tu iannato, belanna Mitiro tu kamaparrisan sia Karossoinaan. La Mipapakkanni lan lisu pala’Mi, lako duka Kalemi nanii umpasande’ kalena tu to mase-mase; belanna inang Kamu tu patunduanna pia biung.

PA’PUDIAN 7:14

Sia Napatu’tunnimo pa’bunoNa tu tau iato mai, sia mintu’ tinaranNa Naapii.

MATIUS 25:46

Dadi tau iato la lu tama kamaparrisan tontong sae lakona; apa iatu to malambu’ la tama katuoan tontong sae lakona.

PA’PUDIAN 52:1

Lu lakona pangala sengo. Misa’ gelong bangunan ada’na Daud.

PA’PUDIAN 10:7

Iatu sadangna ponno tampak ropu sia lando pa’du sia pa’pakario-rio, sia dio tampak lilana den kakelokan sia kakadakean.

KADIBILANGAN 16:26

Ma’kadami lako kasirampunan nakua: Soro’komi dio mai tendana te muane tang mekaaluk sia da len ammi kaka’i tu mintu’ apanna, kumua da midipisanni sola, natumang mintu’ kasalanna.

PA’PUDIAN 141:4

Da Mieloranni tu penaangku malang lako kakadakean, kupourunganni umpogau’ katangmekaalukan, sola tu mai to bulituk, sia da angku kandei tu mai kande mammi’na.