PA’PUDIAN 27:6 - Sura' Madatu

⁶ Na totemo natongloi ulungku tu mintu’ ualingku tiku lao. Sia la umpemalaranna’ pangurandean situang arrak lan tendaNa, la sumengona’ sia la kupenanian pa’pudian tu PUANG.

PA’PUDIAN 27:6 Referans Kwoze

PA’PUDIAN 3:3

Buda tau umpokadana’ kumua: Tae’ pa’tunduanNa Puang Matua lako kalena. Sela

IBRANI 13:15

Iamorato anna tete dio Yesu, tala tontong umpemalaranni langngan Puang Matua tu pemala’ pa’pudi-pudian, tu bua tassu’ dio puduk unnaku sanganNa.

PA’PUDIAN 107:22

Sangapaoi anna penombanni tau iato mai tu pemala’ pa’pudian, sia mela’tek umpa’peissanan penggauranNa Puang.

YESAYA 12:6

Unnarrakkomi sia sumapukokomi, e pa’tondokan Sion, belanna iatu To maserona to Israel pasareongan illan tangngami.

2 SAMUEL 22:49

tu urrampananna’ dio mai mintu’ ualingku. Ondongpi Kamu duka umpamadoanna’ na iatu mintu’ to umbalina’, sia Kamumo tu ullussuranna’ dio mai to masa’ga’.

KADA OMBO’ LAKO RASULU’ YOHANES 15:3

Anna popenani nanianna Musa taunNa Puang Matua sia nanianNa Anak domba nakua: Kapua sia makalaen-laen mintu’ penggauramMi, o Puang Matua, Puang Umpoissan angge maritik; malambu’ sia tongan tu mintu’ lalanMi, o Datunna mintu’ bangsa.

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

YEREMIA 33:11

La dirangi pole’omo tu arrak kaparannuan sia kamaruasan sia gamara to ma’rampanan kapa’ sia gamaranna tu mintu’ tau nakua: Pudimi tu PUANGna mintu’ ma’dandan maritik, belanna masokan tu PUANG, belanna iatu kamasokananNa tang leluk sae lakona! iake umbaai pemala’ pa’pudian tama banuanNa PUANG; belanna la Kupopembali tu toto’na te tondok iate, naurunganni susito dolona, kadanNa PUANG.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.

1 PETRUS 2:5

la susi dukakomi batu tuo dibangun mendadi misa’ banua mempenaa sia kombongan masallo’na tominaa, dikua ammi pemalaran pesuru’ mempenaa, tu Naporai Puang Matua belanna Yesu Kristus.

PA’PUDIAN 95:1

Maikomi tara’ban-ra’ban umpenanian PUANG, anta unnarrak umpudi buntu batu oto’na kasalamaranta.

2 SAMUEL 7:9

Kurondongko umba-umba muola sia Kusabu’i tu mintu’ ualimmu dio tingayomu. Sia la Kupatarompo’ tu sangammu susi sanganna to tarompo’ lan lino.

YEREMIA 31:7

Belanna nakua kadanNa PUANG: Unnarrak-arrakkomi diona Yakub, sia kumalasi-lasikomi diona pangulunna mintu’ bangsa; pa’petaleranni sia pudii sia ma’kadakomi kumua: Narampanammo PUANG tu taunNa, iamotu to Israel torronapa.

PA’PUDIAN 138:5

Sia la menani tu tau iato mai diona mintu’ lalanNa PUANG, belanna kapua tu kamala’biranNa PUANG.

PA’PUDIAN 110:7

La unniru’ uai salossok dio lu lalan; iamoto anna umbangunan ulunna sule.

PA’PUDIAN 81:1

Lu lakona pangala sengo. Unturu’ baenan sengo: Gitit. Pa’pudianna Asaf.

PA’PUDIAN 47:1

Lu lakona pangala sengo. Pa’pudianna to Korah.

PA’PUDIAN 21:13

Belanna Mipatipero’mo sule tu tau iato mai, sia Miparundu’imo bulianMi tu lindona.

PA’PUDIAN 21:1

Lu lakona pangala sengo. Pa’pudianna Daud.

1 OSSORANNA DATU 22:18

Tang PUANG Kapenombammiraka urrondongkomi, sia tang Nakamaseirokomika kamarampasan tiku lao, belanna Nasorongmo tu mintu’ to umpa’tondokki tondok iate tama limangku, naurungan iatu pa’tondokan mengkanorong dio oloNa PUANG sia dio tingayona taunNa.

2 DATU 25:27

Iatonna taun ma’pentallungpulo mpitu kadipaliranna Yoyakhin, datu Yehuda, bulan ma’pessangpulo dua, allo ma’penduangpulo mpitu bulan iato, iatu Yoyakhin, datu Yehuda, nakaturu-turui Ewil-Merodakh, datu Babel, sia natassu’i lan mai pa’tarungkuan lan taun dinii unnangka’i datu.

2 SAMUEL 22:1

Naparampomi Daud langngan PUANG tu mintu’ buena sengo iate, tonna rampananni PUANG dio mai mintu’ ualinna sia dio mai Saul.

KADADIAN 40:13

Tallung allopi anna angka’komi Firaun sia napasulekomi tama toemi ammi pennoloan polei tu irusanna Firaun lako susitu biasanna tommi ma’kampa pangiru’pa.

KADADIAN 40:20

Iatonna ma’tallung alloammo tonna allo kadadianna Firaun napadenanmi misa’ pa’maruasan tu mintu’ pareana anna angka’i tu pangulu pa’kampa pangiru’ sia naangka’ tu pangulu pa’kampa kande dio tingayona mintu’ pareana.

PA’PUDIAN 3:4

Apa, o PUANG, Kamumo tu balulang perindingku, Kamumo tu kamala’birangku, sia Kamumo tu umbangunan ulungku.

PA’PUDIAN 57:8

Rapa’ tu penaangku, o Puang Matua, inang rapa’ tu penaangku; la menanina’ sia umpakendek pa’pudian.

PA’PUDIAN 119:108

O PUANG, timangi tu mintu’ pemala’ tanning inaa nasa’bu’ tongka’ dililaku; sia patuduna’ tu mai atoranMi.