PA’PUDIAN 27:5 - Sura' Madatu

⁵ Belanna iake nalambi’na’ kamaparrisan Napalanna’ barungNa, sia Narerungna’ lan ongan tendaNa, Napakendekna’ langngan buntu batu.

PA’PUDIAN 27:5 Referans Kwoze

SARAMBU PEADA’ 18:10

Iatu sanganNa PUANG sangtinti to menara matoto’; iatu to malambu’ mallai lako natang matumba-tumba dio.

PA’PUDIAN 31:20

Tangpada kapuana tu kamasokanamMi, tu Miparandanan to ungkataku’Komi, sia iatu Mipogau’namo lako to umpentionganniKomi, tu nata’pai matanna mintu’ ma’rupa tau.

PA’PUDIAN 138:7

Iake lanna’ kamaparrisan, manassa Mirinding pala’na’; sia la Mie’te’ tu limamMi umbali kasengkeanna mintu’ ualingku, sia lima kananMi ullendokanna’.

PA’PUDIAN 91:1

Minda-minda umpoperinding pala’ To Patodoranna, tau iato mai Nakulambu taruno To umpoissan angge maritik.

PA’PUDIAN 119:114

Kamumo tu pentirerungangku sia balulang toto’ku, kurannuan tu kadamMi.

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

PA’PUDIAN 40:2

Lantuk penaangku untayan PUANG, Napalempeina’ kale sia Natanannimo talinga tu pengkamoyaku,

KOLOSE 3:3

Belanna mangkamokomi mate, na iatu katuoammi mellindung sola Kristus lan Puang Matua.

PA’PUDIAN 17:8

Karimmannina’ butung to mata tau; sia rerungna’ diong to’ pani’Mi.

PA’PUDIAN 46:1

Lu lakona pangala sengo. Misa’ pa’pudianna to Korah. Unturu’ baenan sengo: Anak dara. Misa’ sengo.

YESAYA 26:20

Maikomi, e taungku, tamakomi sumbung iringmi, ammi salli’i tu ba’bami: membunikomi sattu’, sae lako merena tu kasengkean.

PA’PUDIAN 91:15

Ianna meongli’ ussa’bu’na’, la Kubalii; sia la Kurondong lan mintu’ kamandasanna, la Kurampanan sia la Kupamala’bi’.

PA’PUDIAN 57:1

Lu lakona pangala sengo. Unturu’ baenan sengo: Dandi’ bala’-bala’i. Pa’pudianna Daud; misa’ ianan ballo, tonna mallai dio mai olona Saul, anna male tama lo’ko’.

YESAYA 32:2

Tau iato la susi pentirerungan dio mai angin bara’ sia pentilindungan dio mai uai luang sia butung to salu’-salu’ dio padang ba’ta’ sia susi bayo-bayo buntu batu kapua dio padang karangkean.

PA’PUDIAN 61:2

Perangii, o Puang Matua, tu pengkamoyaku, sia palan ara’i tu passambayangku.

PA’PUDIAN 18:33

Iamotu Kapenomban umpatambeke’ina’ kamabukuan, sia umpamarante lalanku.

PA’PUDIAN 83:3

Belanna tiromi, marukka nasangmo tu mintu’ ualimMi, sia mintu’ to ungkabiri’Komi umbangunan ulunna.

PA’PUDIAN 77:2

Meongli’na’ langngan Puang Matua sia mengkamoyana’, sia inang meongli’na langngan Puang Matua, sangapaoi Natanannina’ talinga.

YESAYA 26:16

O PUANG, iatonna mandasa tu tau iato mai, nadaka’moKomi, iatomMi ada’i, umpakendek kamama’mi passambayangna.

PA’PUDIAN 10:1

O PUANG, apara bannangna amMi toyangra bendan, sia apara bannangna amMi membunira tonna attu kapussakan?

MATIUS 23:37

E Yerusalem, Yerusalem, tu umpatei tu mai nabi sia untumbui batu mintu’ to disua lako kalemu. Ba’tu pempiranMo’ la morai urrampun anakmu, susi indo’ manuk urrampun anakna lan to’ pani’na, apa manokakomi.

2 OSSORANNA DATU 22:12

Torromi sola membuni annan taunna lan banuanNa Puang Matua, tonna Atalya ma’parenta lan tondok.

PA’PUDIAN 31:21

Tau iato mai Mionganni dio mai tengko turu’ kadakena tolino, dio to’ inan narerung oloMi. Sia Mirinding pala’ lan misa’ lantang, dio mai lila passigaganna tau.

PA’PUDIAN 40:3

Mangkamo’ Naendekan diong mai liku nanii kasanggangan, diong mai buka mapullan, Napopellesei tu lentekku dao buntu batu, sia Napabantang tu tengkaku.

PA’PUDIAN 61:3

Dio mai tampakna padang kunii meongli’ mati’ Kalemi, belanna rosso tu penaangku; solanna’ langngan buntu batu tu tang kusara kalena ullangnganni.