PA’PUDIAN 27:11 - Sura' Madatu

¹¹ Ada’ina’ tu lalanMi, o PUANG, sia solanna’ lako lalan malolo, tu belanna mintu’ to umbalina’.

PA’PUDIAN 27:11 Referans Kwoze

PA’PUDIAN 5:8

Apa aku te la tamana’ banuamMi, belanna pa’kamasean kapuaMi, sia la tukkuna’ umpennoloi banua kabusungamMi situang kamatakuran mati’ Kalemi.

PA’PUDIAN 86:11

O PUANG, ada’ina’ tu lalanMi, angku pengkaolai kamanapparamMi; pakalebui tu penaangku angku kataku’ sangamMi.

PA’PUDIAN 26:12

Iatu lentekku mellese dio to’ inan lappa’, sia lan lu kombongan la kunii umpudi PUANG.

PA’PUDIAN 119:10

Kalebu tongan penaangku undaka’Komi, da Mieloranna’ pusa dio mai mintu’ pepasanMi.

PA’PUDIAN 64:6

Napamakarra’ tu penaanna umpogau’ kakadakean, sia sama turu’ untanan buni poya, nakua: Mindara la untiroi?

YESAYA 35:8

Sia inde to la den misa’ batatta marante, tu digente’ lalan maindan; moi misa’ to maruttak tae’ unnolai; sangadinna tau ia manna to mai umpolalanni, sia tang nalomban to lumio’ sia to baga.

YEREMIA 20:10

Belanna kurangimo tu tau buda sibisik-bisik – den kamaramban tiku lao – nakua: Pokadai apara tu la tatandaranni! Mintu’ solaku tu kusikadamakan ummanta-manta katobangangku sia nakua: Lalo sia manii tanaran anta ma’din umpasalai sia umpabala’i.

PA’PUDIAN 25:9

Ia umpalolang to umpamadiongan penaanna lan katonganan, sia la unnada’i lalanNa tu to umpamadiongan penaanna.

LUKAS 20:20

NatuntunNi bangmi tau iato, iamoto nasuai ba’tu pira-pira tu tau loo ummata-matai sia unna’ga to malolo kalena, kumua anna pentoei sangbuku tu kadanNa, tu la naninna umpa’peturoanNi lako to paa sia lako parentana to maraya.

SARAMBU PEADA’ 8:9

Tonganna nasang lako to unnampui tangnga’ kinaa, manappa’ lako to unnappa’ kapaissanan.

PA’PUDIAN 25:12

Mindara tu to ungkasiri’ PUANG? iamotu to la Napatudu lako lalan umbanna tu sipatu natonno’.

SARAMBU PEADA’ 15:19

Iatu lalanna to tukkunan susito rompo duri, apa iatu lalanna to bulo lollong marante bang.

PA’PUDIAN 54:5

Belanna ba’tu pira-pira tu to tang unnissan battuan unneamo’, sia ba’tu pira-pira to masa’ga’ la ungka’tu sunga’ku, sia tae’ nakilalai tu Puang Matua lan penaanna. Sela

PA’PUDIAN 5:9

O PUANG, rendenna’ lan kamaloloamMi, tu belanna mintu’ ualingku; rantei tu lalanMi dio tingayoku.

PA’PUDIAN 139:24

manta-mantana’, ba’tu tang denri lalan kadake bu’tu dio kaleku, amMi rendenna’ lako lalan matontongan!