PA’PUDIAN 25:3 - Sura' Madatu

³ Manassa mintu’ to untayanKomi tae’ nala kasirisan, sangadinna iari tu to umpogau’ kelok tu tae’ bannangna, iamoto tu la kasirisan.

PA’PUDIAN 25:3 Referans Kwoze

BATING 3:25

Masokan tu PUANG lako tu umpeagii, sia lako tu penaa umpeangI.

YESAYA 40:31

Apa iatu to untayan PUANG la umba’rui kamatotoranna, anna mettia’ kendek langngan susi langkan maega. Tau iato mai la lumingka tang mekaboyo’, la sumalong tang mekata’ka’.

YESAYA 49:23

Iatu mai datu la dadi ambe’ passarakmu sia iatu datu baine la dadi to ma’pasusummu; iatu tau iato mai la menomba sae rokko padang dio olomu, sia ullepa’i barra’-barra’ dio lentekmu. Attu iato la muissan, kumua: Akumote tu PUANG, naminda-minda untayanNa’, tae’ nala kasirisan.

MIKHA 7:7

Apa iatu aku la ma’penununa’ untayan PUANG, sia la umpeagina’ Puang Matua, oto’na kasalamarangku; la Naperangiina’ Kapenombangku.

PA’PUDIAN 62:5

Ia manna nabisara tu la umpasisayuranni kamala’biranna, naporai tau iato mai tu mo’rang; iatu pudukna ma’passakke, apa iatu penaanna ma’tampakki ropu. Sela

PA’PUDIAN 27:14

Peagimi tu PUANG, melo ke batta’ko, sia kalebu penaammu. Sia peagimi tu PUANG.

ROMA 8:25

Apa iake urrannuangki’ apa tang mempayan lako kaleta, batta’ penaanta umpeagii.

PA’PUDIAN 37:34

TayanNi tu Puang sia karitutui tu lalanNa, anna Ia umpamatandeko muurunganni umpomana’i tu padang iato. Sia la mutiro umba nakua kadirotosanninna tu to tang mekaaluk.

PA’PUDIAN 33:20

Deatangki untayan PUANG, Iamo Patunduangki sia balulangki.

PA’PUDIAN 123:2

Sitinti mata kaunan umpemantang limanna puangna, sia ten to baine pa’kurinan umpemantang limanna puangna baine, tenmo matanta to untingara PUANG, Kapenombanta, sae lako Nakaturu-turuinta.

YESAYA 25:9

Allo iato la ma’kada tu tau kumua: Inang Iamo Kapenombanta te, tu tanii sande’, kumua Iamo la urram- panangki’; Iamo PUANG te, tu taposande’; maikomi anta unnarrak sia parannu diona kadirampanan lu dio mai Puang.

PA’PUDIAN 69:6

O Puang Matua, Miissan tu kabagangku, sia iatu mintu’ salaku tae’ anna karerungan dio mai Kalemi.

YEREMIA 20:11

Apa PUANG urrondongna’ susi misa’ pa’barani lalong; iamoto mintu’ to unnula’na’ la tisumbang sia tang pakulle; la kasirisan tongan, belanna tae’ nalalo tu natangnga’na, iamo kaditattan matontongan sia tang dikalupai.

PA’PUDIAN 35:26

Da’ito anna kasirisan sia maila’ tu mintu’ to umposende kamandasangku, da’ito naputu’i siri’ sia kaburerean, tu to umpamatampo kalena lako kaleku.

PA’PUDIAN 132:18

Iatu ualinna la Kubungku’ siri’, apa iatu ia, la pandillak dao ulunna tu makotana.

PA’PUDIAN 71:13

Da’ito anna kasirisan sia sanggang tu to undaka’ sunga’ku; sia da’ito nakabu’i siri’ sia pebe’se tu mintu’ to undakaranna’ kakadakean.

PA’PUDIAN 31:17

Melo ke Mipaarrangi rupamMi tu taumMi, sia lendokanna’ tete dio kamasokanamMi.

PA’PUDIAN 62:1

Lu lakona pangala sengo. Unturu’ baenan sengo Yedutun. Pa’pudianna Daud.

PA’PUDIAN 6:10

Naperangiimo PUANG tu pa’palakungku, sia la Natarima tu pasambayangku.

YOHANES 15:25

Apa ia sia nadadi susito tu ianna te, kumua anna sundun tu kada disura’ lan Sura’ Sukaran alukNa, tu nakua: Nakabiri’Na’ tu tau iatu mati’ natae’ bang bannangna.

PA’PUDIAN 119:78

Da’ito anna kasirisan tu mintu’ to matampo, belanna tae’ bannangna nanii umpakario-riona’; apa iatu aku la untangnga’-tangnga’na’ mintu’ parentaMi.

PA’PUDIAN 109:3

Nalimbuina’ napokadan kada mapalla, sia tae’ silalanna nanii urrariina’.

PA’PUDIAN 69:4

Mata’ka’mo’ meongli’-ongli’, sia materrekmo tu barokoku, sia maraunmo tu matangku ma’penunu untayan Kapenombangku.

KADADIAN 49:13

Iatu Zebulon la torro dio biring tasik, dio biring tasik nanii kappala’, sia umpopollo’ Sidon.

1 OSSORANNA DATU 10:13

Susimoto tu kamateanna Saul, belanna tang maruru’ lako PUANG sia belanna tae’ napalan penaai tu kadanNa PUANG, ondongpi male mekutana sia umpalaku pa’timbangan lako bombo to mate,

PA’PUDIAN 22:6

Meongli’ tu tau iato mai lako Kalemi anna makarimman, Kamumo nakatappa’i anna tae’ nakasirisan.

PA’PUDIAN 31:18

O PUANG, da Mieloranna’ kasirisan, belanna meongli’na’ mati’ Kalemi; melo ke mintu’ to tang mekaaluk kasirisan, da’ito nakatiro-tiro lan lino to mate.