PA’PUDIAN 24:2 - Sura' Madatu

² Belanna Iamo unnoton parandanganna lino dao tasik, sia umpabantangi dao minanga kalua’.

PA’PUDIAN 24:2 Referans Kwoze

YEREMIA 5:22

Tae’raka mila ungkataku’Na’, kadanNa PUANG, tae’raka mila ma’parondo dio oloKu, tu umpadadi bungin naposapa’ tasik, sia napokatonan tontong tu tang nalendu’i? Moi umbassan-bassan tu bombangna, tang nalambi’ duka lako, moi mematu-matu, tae’ duka naleanni.

PA’PUDIAN 136:6

Tu umpatiballa’ kapadanganna dao to’ kauaianna, belanna iatu kamasokananNa tang tileluk sae lakona.

PA’PUDIAN 96:10

Pokadai dio lu mintu’ bangsa, kumua: PUANG untoe kapayungan, iamoto anna bantang tu lino, naurunganni tang tibendon; Puang tang pakayun bimbang la umpaolai salu tu mintu’ bangsa.

AYUB 38:4

Umbara munii tongKu parandanganni te lino? Pokadaikae, ke denni inaammu!

PA’PUDIAN 33:6

Tete dio kadanNa PUANG anna kombong tu mai langi’, susi dukato tu mintu’ mengkaponanna dao langi’ kombong tete dio angin sun dipudukNa.

KADADIAN 8:22

Iake tontongpi den tu lino, tae’mo anna la ka’tu tu pangamboran sia peparean, madingin na malassu, pealloan na palauran, allo na bongi!

PA’PUDIAN 95:4

Iatu mintu’ liku mandalan lan nasang lisu pala’Na, sia Ia ampunna mintu’ bottona buntu.

PA’PUDIAN 93:1

PUANG untoe kapayungan; Ia umpobayu sielle’ kabarrealloan; Iamo bayu sielle’Na Puang to, sia umpotambeke’ kapaan. Iate lino bantangmo, tae’ anna la tiberu susuk.

PA’PUDIAN 89:12

Kamumo puangna langi’ sia Kamu duka puangna lipu daenan; iatu lino sola mintu’ issinna, Kamumo unnotonni tu parandanganna.