PA’PUDIAN 23:5 - Sura' Madatu

⁵ Kamumo umpalennaranna’ sandukanku, nakadongai mintu’ ualingku; sia Kamumo umbolloi minna’ tu ulungku, sebo tu irusangku.

PA’PUDIAN 23:5 Referans Kwoze

EFESUS 3:20

Iatu Puang Matua tu kuasa umpogau’i tu mintu’na umpelempanni losong, na iatu tapalakunna ba’tu tasanganna, sitinaya lalan kuasanNa tu mengkarang lan kaleta,

PA’PUDIAN 92:10

Belanna manassa mintu’ ualimMi, o PUANG, manassa mintu’ ualimMi la sanggang. Sia mintu’ tu to umpogau’ kakadakean la dipasisarak-sarak.

PA’PUDIAN 45:7

Isungan kapayungamMi, o Puang Matua, tontong sae lakona, Sia tekken kamalamburan iamo tekken kapayungammi.

PA’PUDIAN 16:5

PUANGmo tu ba’gi kupomana’ sia luangna irusangku, Kamu duka tu umpantok serongku.

AYUB 36:16

Susimoto tu Puang unnarankomi lan mai sadang kamaparrisan lu lako padang malona’, tu tae’ anggenna, sia lako medamu, tu munii kumande manaman sia ponno kande sanda malompo.

1 YOHANES 2:20

Na kamu te unnappa’mokomi pa’kamasean, iamotu mangkamokomi Napassakke To maindan sia paissankomi sola nasang.

1 YOHANES 2:27

Iatu kamu te, manda’mo lan kalemi tu pa’kamasean Napassakkeangkomi Puang, tae’omo mimanggi’ naada’i pole’ misa’ tau: sangadinna susi Naadarangkomi pa’kamaseanNa diona mintu’ apa sia tongan sia tae’ namo’rang, sia susitu mangkakomi Naada’i, la manda’komi lan Kalena.

2 KORINTUS 1:21

Ia tu mangka umpamanda’kan lan Kristus sia kamu duka na iatu mangka untokkokan, Iamotu Puang Matua;

1 KORINTUS 10:16

Iatu irusan pa’kurre sumangasan tu takurre sumanga’i, tang iaraka to tu umpasirapuki’ raraNa Kristus? Sia iatu roti tatepu-tepu, tangiaraka umpasirapuki’ Kalena Kristus?

YOHANES 16:22

Susi kamu inang masussa misa’ding totemo te; apa la Kusitiroan pole’komi, anna parannu penaammi, na moi misa’ tau tae’ umbelai unnalai dio mai kalemi tu kaparannuammi.

PA’PUDIAN 104:15

Sia uai anggoro’ tu umpasende tolino, sia minnak tu umpatibangka’ rupanna, sia bo’bo’ tu umpamalapu’ penaanna tolino.

YESAYA 25:6

Anna dao buntu Nanii PUANGna mintu’ ma’dandan maritik umpadenanni pa’maruasan kande sanda mammi’na tu mintu’ bangsa, pa’maruasan uai anggoro’ mammi’: utak buku, kande mammi’, uai anggoro’ mammi, tu mangka dipanapi’.

PA’PUDIAN 116:13

La untadedanganna’ irusan tanda kadilendokan, angku meongli’ ussa’bu’ sanganNa PUANG.

PA’PUDIAN 22:26

Lu mati’ Kalemi tu kapa’pudi-pudiangku lan lu kombongan kalua’, sia iatu pangallonangku la kupalesso’ dio tingayona to ungkataku’ Puang.

PA’PUDIAN 78:19

Ma’kada lako Puang Matua nakua: Ma’dinraka tu Puang Matua umpalennarangki’ kande dio padang pangallaran?

LUKAS 7:46

Sia tae’ mipalangnganni minna’ tu ulungKu, apa iate baine sae rokko lette’Ku napalakoi duka minna’ pandere’.

AMOS 6:6

Tu unniru’ uai anggoro’ lan mai balubu sia umperruda’ minna’ tu mandu melo, apa tae’ mipalan penaai tu karo’pokanna Yusuf!

PA’PUDIAN 22:29

Belanna iatu kadatuan PUANG tu ampunna; Iamo pekapuanganna mintu’ bangsa.

MATIUS 6:17

Apa iatu iko, iammu ma’puasa, boka’i tu ulummu sia dau’i tu lindomu,

PA’PUDIAN 92:11

Apa Mipataranggana’ susi tedong lampung, sia Mitokkomo’ minna’ ba’ru’;