PA’PUDIAN 23:4 - Sura' Madatu

⁴ Moi angku olai lombok malillin parrak, tae’ duka kukataku’ kasanggangan, belanna Mirondongna’, tarasulu’Mi sia ta’baMi umpakananna’ penaangku.

PA’PUDIAN 23:4 Referans Kwoze

YESAYA 41:10

Da mumataku’, belanna Kurondongko; da mumagiang mentiro tiku lao, belanna Akumo tu Kapenombammu, Kupamatoto’ko sia Kutundui dukako, sia Kusande’ dukako lima kananKu tu umpaden kasalamaran.

PA’PUDIAN 118:6

PUANG urrondongna’, anna tae’ kula mataku’, la napatumbara’ tolino?

PA’PUDIAN 138:7

Iake lanna’ kamaparrisan, manassa Mirinding pala’na’; sia la Mie’te’ tu limamMi umbali kasengkeanna mintu’ ualingku, sia lima kananMi ullendokanna’.

PA’PUDIAN 3:6

Umbambanganna’ kaleku angku mamma’, angku millik sule, belanna PUANG urrande pala’na’.

LUKAS 1:79

anna kaanan lako to lan kamalillinan sia naonganni bayo-bayo kamatean, sia la umpate’teki’ mata kalambanan lako lalan kasalamaran.

MIKHA 7:14

Kambi’i tekkenMi tu taumMi, iamotu tuntunan domba mana’Mi, tu torro makarorrong lan lu pangala’, lan lu tangnga padang malompo. Popa’elo’nai ungkande riu dio lu Basan sia dio Gilead, susitu attu dolo-dolona.

PA’PUDIAN 46:11

Rapa’komi sia issanni kumua Akumo tu Puang Matua; Akumo tu mala’bi’ dio lu mintu’ bangsa, sia mala’bi’ lan lino.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

2 TIMOTIUS 4:22

AnNa Puangmora urrondong penaammu sia pa’kamaseanNamora Puang Matua urrondongkomi sola nasang.

YEREMIA 2:6

Sia tae’ nama’kada tu tau iato mai kumua: Umbara Nanii tu PUANG, tu mangka ussolangkanni tassu’ lan mai tondok Mesir sia unnanta’kan unnolai padang aak sia kalo’tokan, misa’ padang rangke sia nabayo-bayoi kamatean, misa’ padang tu tae’ lenpa nalendu’i sia natorroi tau?

PA’PUDIAN 44:19

Tae’ natibalik tu penaangki, sia iatu tengkaki tae’ nasepang dio mai lalanMi.

PA’PUDIAN 14:5

Indeto nanii urrampoi kaselangan sola nasangi, belanna Puang Matua urrondong to tama bilanganna to malambu’.

AYUB 3:5

Kenna poapa ori kamalillinan sia kapittukan tu allo iato, kenna situtu’iori salebu’ makamban, anna patirambanni bosinna allo.

ZAKHARIA 11:10

Kualami tu tekkenku, tu disanga Pa’kaboro’, angku le’toi, kuurunganni umpokai tu basseku, tu mangka kutanan sola mintu’ bangsa.

PA’PUDIAN 110:2

PUANG la umpopangayo tekken kapayungan lan mai Sion tanda kuasammu: La sikambi’Ko parenta dio lu to’ ualimMu.

AYUB 24:17

belanna iatu mintu’ tau iato, iatu lillinan parrak napasusi melambi’, belanna sialamo pa’patirambanna lillinan parrak.

ZAKHARIA 8:23

Inde sia tu kadanNa PUANGna mintu’ ma’dandan maritik Nakua: Allo ia dukato la sangpulo tu tau dio mai mintu’ bangsa ma’rupa-rupa basana la untoe, ondongpi la natoe tongan tu tampak bayu lamba’na to Yahudi, anna ma’kada nakua: La moraikanni undi unturu’komi, belanna kirangimo, kumua Narondongkomi Puang Matua.

ZAKHARIA 11:14

Mangkato kule’toomi tu tekken ma’penduangku, tu disanga Pa’pori, kuurunganni umpoka kasiuluranna Yehuda na Israel.