PA’PUDIAN 23:1 - Sura' Madatu

¹ Pa’pudianna Daud. PUANGmo tu to manglaaku; tae’ angku kapu’duran len.

PA’PUDIAN 23:1 Referans Kwoze

FILIPI 4:19

Anna Puangku umpasilasan mala’bi’i tu mintu’ kakurangammi situru’ kasugiranNa tete dio Kristus Yesu.

YOHANES 10:11

Akumo tu to mangkambi’ masokan; iatu to mangkambi’ masokan ussorong penaanna ussondai tu mintu’ domba.

YESAYA 40:11

La Nakambi’ tu baanan dombaNa susito mangkambi’, la Napasipulung tu anak domba tama limanNa, anNa sembe’i; ia duka tu umpasusunnapa anakna la Napela’-pela’ Naramba.

YOHANES 10:14

Akumo tu to mangkambi’ masokan; Kutandai tu mai pangkambi’Ku, sia natandai dukaNa’ tu pangkambi’Ku,

KADA OMBO’ LAKO RASULU’ YOHANES 7:17

belanna Anak domba tu lan tangnga isungan kapayunganNa la ungkambi’i sia la urrambai lako mintu’ to’ mata uai katuoan; anNa Puang Matua umpa’dii mintu’ uai matanna tau iato mai.

MATIUS 6:33

Apa daka’ tonganni dolo tu ParentaNa Puang Matua sola kamaloloanNa, na iatu mintu’nato, la dipangrangnganan duka lako kalemi.

1 PETRUS 2:25

Belanna dolona pusakomi susi domba, apa totemo mengkara’pa lu lakomokomi To mangkambi’ sia To ungkatirinnai deatammi.

1 PETRUS 5:4

Sia iake bu’tumi undinna tu Pangulu to mangkambi’ iato, la miappa’ tu makota kamala’biran tang la malayu len.

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

ROMA 8:32

Ia duka Ia tang umbudanan AnakNa sangadinna Nasorong belanna kita sola nasang, ma’apai Nala tang umpa’kamaseanni tu mintu’na sisola tu AnakNa lako kaleta?

IBRANI 13:20

Puang Matua, oto’na kamarampasan, tu mangka umbaai sule dio mai to’ to mate Pangkambi’ domba, tu umpomala’bi’ rara basse matontongan iamo Puangta Yesu,

MIKHA 5:4

Sia Ia la oto’na kasalamaran. Iake la tamai tondokta tu to Asyur sia iake la ullesei tongkonan layukta, manassa la tapabendanan pitu to mangkambi’ sia karua arung dio mai tolino la unneai,

PA’PUDIAN 78:52

Apa Napasangtiangkaran Nasolan sun tu taunNa butung domba sia bembe’ ma’baanan, sia Naturu’ mana’pa dio lu padang pangallaran ten patuoan.

YEREMIA 31:10

Perangii tu kadanNa PUANG, e mintu’ bangsa, patale’i lako mintu’ tondok dio biring tasik sia pokadai kumua: Iatu Puang, tu umpatisambo’ to Israel male, Ia dukamo la umpulungi sule sia urrinding pala’i susito misa’ to mangkambi’ ungkaritutui dombana ma’baanan.

PA’PUDIAN 79:13

Na kami te, taumMi, sia domba Mikambi’, la umpudiKomi tontong sae lakona, sia kisiosso’i umpa’peissanan kadipudi-pudiamMi.

MIKHA 5:2

Iamoto la Nasa’biangan Puang tu tau iato mai sae lako attu, kumua iatu tau la kianak, kianakmo. Attu iato iatu to torropa tu siulu’na la sule sola to Israel.

PA’PUDIAN 34:11

Iatu anak singa kapu’duran sia ussa’ding tangdia’, apa iatu to undaka’ PUANG tae’ nala kapu’duran len apa maelo.

YEHEZKIEL 34:14

Tau iato mai la Kukambi’ dio lu padang maluna riunna sia iatu inan dinii ungkambi’i la dao buntu malangka’na Israel. Inde to la nanii silengaran lan inan melo dinii ungkambi’i sia ungkande riu dio lu padang malompo dao lu mintu’ buntu Israel.