PA’PUDIAN 22:7 - Sura' Madatu

⁷ Apa aku te balina’ misa’ kalinting, tangia tolino, misa’ pa’be’seanna tolino, sia nakagi’gi’ to kamban.

PA’PUDIAN 22:7 Referans Kwoze

MARKUS 15:29

Iatu to lendu’ inde to dio ullo’bo-lo’boI sia unniling-iling, nakua: Ai’! iti’ To urrondonni Banua Kabusungan natallung allori Napabendanmi suleo!

PA’PUDIAN 109:25

Sia nabe’semo’ tau iato mai, iake natirona’ unniling-ilingmi.

LUKAS 23:11

Nalo’bo-lo’bomi Herodes sola mintu’ surodadunna tu Yesu sia natelle-telle, napakei sambu’ pandillak-dillak, nasuai umbaaI sule lako Pilatus.

MARKUS 15:20

Iatonna mangka untelle-telleI, naalaimi lan mai Kalena tu sambu’ lango-lango napaluangi sule tu pakeanNa siamo, namale umbaaI lako salian, kumua anna a’ta’I.

MATIUS 27:29

Sia naampinniran sa’pi’ duri, napasa’pi’i, napatangkei tekken tallang tu lima kananNa; namalinguntu’ dio tingayoNa untelle-telleI, nakua: Tabe’ datu to Yahudi!

PA’PUDIAN 44:14

Mitananmokan pa’be’seanna mintu’ bali lembangki, sia pa’telleanna sia parumbasanna to untama tikuikan.

LUKAS 16:14

Iate mintu’na te narangi nasang to Farisi, to inang ungkaduangi bang doi’, natelle-tellei tu Yesu.

MATIUS 9:24

Nakuami: Mengkalaokomi, tae’ ia namate te pia te, sangadinna mamma’ri. Napetaaimi tau.

YESAYA 57:4

Mindara tu mipetaa-taai, mindara tu minii umpatado pudukmi sia unnollon-ollon lilami? Tang anak dosarokomika sia bati’ kamo’rangan?

YESAYA 53:3

Dipamatunamo sia nasa’biangan tau, misa’ to tang natampe kamaparrisan sia napembanuai saki, ondongpi susi misa’ to natampunan lindo tau; susimoto tu kadipamatunanna natae’ anta pokariangananni.

PA’PUDIAN 31:18

O PUANG, da Mieloranna’ kasirisan, belanna meongli’na’ mati’ Kalemi; melo ke mintu’ to tang mekaaluk kasirisan, da’ito nakatiro-tiro lan lino to mate.

AYUB 16:10

Iatu tau iato umpopenganga sadangna umbalina’, sia napamatunana’ sia ussala’pa popoku, sangbara’ tu tau iato sae sirampun unneana’.

AYUB 16:4

Ma’din dukana’ ma’kada susi kamu, ke susinna kamu narampoi kamandasan susi aku; la kutolorangkomi kada mammi’ sia kuiling-ilingangkomi ulu.

AYUB 12:4

Napokatelleanna’ padangku ma’rupa tau, iatu aku Naperangiina’ Puang Matua, ke meongli’na’ lako Kalena; napokattellean to malambu’ sia to mengkaola lako Puang.

YESAYA 49:7

Nakua kadanNa PUANG, Pela’bakna to Israel, To maserona, lako to tarru’ nasokkoi tau, sia nakagi’gi’ bangsa iato, tu napokaunan mintu’ to ma’parenta: La natiro mintu’ datu anna bendan; susi dukato tu mintu’ arung anna tukku, belanna PUANG, To maruru’, To maserona Israel, tu umpilei langsa’ko.