PA’PUDIAN 22:6 - Sura' Madatu

⁶ Meongli’ tu tau iato mai lako Kalemi anna makarimman, Kamumo nakatappa’i anna tae’ nakasirisan.

PA’PUDIAN 22:6 Referans Kwoze

YESAYA 53:3

Dipamatunamo sia nasa’biangan tau, misa’ to tang natampe kamaparrisan sia napembanuai saki, ondongpi susi misa’ to natampunan lindo tau; susimoto tu kadipamatunanna natae’ anta pokariangananni.

AYUB 25:6

ondong pole’ tu tolino, ulli’ bangri, sia ma’rupa tau, kalinting bangri?

YESAYA 49:7

Nakua kadanNa PUANG, Pela’bakna to Israel, To maserona, lako to tarru’ nasokkoi tau, sia nakagi’gi’ bangsa iato, tu napokaunan mintu’ to ma’parenta: La natiro mintu’ datu anna bendan; susi dukato tu mintu’ arung anna tukku, belanna PUANG, To maruru’, To maserona Israel, tu umpilei langsa’ko.

YESAYA 41:14

Da mumataku’, e Yakub pada ulli’, e Israel bangsa bitti’! Akumote tu untunduiko, kadanNa PUANG, na iatu Pela’bakmu iamo To maserona Israel.

IBRANI 13:12

Susi duka Yesu to, kumua anna raraNa Kalena Napamaseroanni tu tau buda, anNa perasaimi tu kamaparrisan dio salian babangan.

MATIUS 11:19

Totemo saemo Anak rampan dilino kumande sia mangiru’, nakuaomi tau: Tiromi iti’ to barak sia pa’anggoro’, sangmanena passima sia to kadake gau’na. Apa iatu kakinaan natonganni penggauranna.

PA’PUDIAN 31:11

Belanna samandappi’-dappi’na sunga’ku napobua’ karossoan, sia rondon bala batu tu taun katuoangku napobua’ kasumarroan, moro’mo tu kamabukuangku natumang salaku, sia langga’ mintu’ bukungku.

KADA OMBO’ LAKO RASULU’ YOHANES 15:3

Anna popenani nanianna Musa taunNa Puang Matua sia nanianNa Anak domba nakua: Kapua sia makalaen-laen mintu’ penggauramMi, o Puang Matua, Puang Umpoissan angge maritik; malambu’ sia tongan tu mintu’ lalanMi, o Datunna mintu’ bangsa.

YOHANES 7:15

Mangngami tu to Yahudi nakua: Umba Ia nakua te Tau te untarru’i tu mai Sura’ anna tae’ Namelada’?

BATING 3:30

Sipatu napopa’elo’na tu popona lako minda-minda ussala’pai, da’ito napedia’i kadilo’boan.

YOHANES 8:48

Mebalimi tu to Yahudi sia nakua lako: Tang tongannaraka tu kipokada kumua to SamariaKomi sia natabaKomi deata masussuk?

YOHANES 7:20

Nakuami mebali tu to buda: NatabaKomi ria deata masussuk. Mindara undaka’ lalan la umpateiKomi?

MATIUS 12:24

Apa iatonna rangii to Farisi tu iannato, nakuami: Iari Naurrambai deata masussuk te tau iate, pa’tunduannari Beelzebul, pangulunna deata.

PA’PUDIAN 88:8

Tarru’ nao’tonna’ kasengkeamMi, sia Mipasamboina’ bombangMi. Sela

PA’PUDIAN 31:1

Lu lakona pangala sengo, Pa’pudianna Daud.

2 OSSORANNA DATU 14:11

Meongli’mi tu Asa lako PUANG, Kapenombanna, nakua: O PUANG, tae’ tu misa’ tau saliananna Kamu la untundui to langga’ unnea to matoto’. Tunduikanni, o PUANG, Kapenombangki, belanna sande’kan lako Kalemi sia tete dio sangamMi angki ke’de’ unneai te to pada budanna to. O PUANG, Kamumo tu Kapenombangki, ke ma’dinni da naden misa’ ma’rupa tau ungkullei unneaKomi.

PA’PUDIAN 25:3

Manassa mintu’ to untayanKomi tae’ nala kasirisan, sangadinna iari tu to umpogau’ kelok tu tae’ bannangna, iamoto tu la kasirisan.

PA’PUDIAN 41:5

Kukuami: O PUANG, kamaseina’ dikka’, sia pamatanana’ belanna kasalammo’ lako Kalemi.