PA’PUDIAN 22:5 - Sura' Madatu

⁵ Kamumo nakatappa’i to doloki pirambongi’, nakatappa’imoKomi, amMi rampananni tu tau iato mai.

PA’PUDIAN 22:5 Referans Kwoze

ROMA 10:11

Belanna nakua lan Sura’ Madatu: Minda-minda tu umpatonganni, tae’ nala kasirisan.

YESAYA 49:23

Iatu mai datu la dadi ambe’ passarakmu sia iatu datu baine la dadi to ma’pasusummu; iatu tau iato mai la menomba sae rokko padang dio olomu, sia ullepa’i barra’-barra’ dio lentekmu. Attu iato la muissan, kumua: Akumote tu PUANG, naminda-minda untayanNa’, tae’ nala kasirisan.

ROMA 9:33

Susitu disura’ nakua: Tiromi, Kupalan Sion tu misa’ batu katitodoan sia misa’ buntu batu ma’pamatana’, naminda-minda umpatonganni tae’ nala kasirisan.

1 PETRUS 2:6

Belanna den disura’ lan Sura’ Madatu kumua: Kutanan lan Sion tu batu petau, ditonno’ sia keangga’; na iatu to umparandan Dio kapatongananna, tae’ anna la dipakasiri’.

YESAYA 45:17

Apa iatu to Israel la Nala’bak PUANG pela’bak matontongan; tae’ ammi la kasirisan sia matuna tontong sae lakona.

PA’PUDIAN 106:44

Moi anna susito, ke Natiroomi tu kamandasanna tau iato mai, sia ke Narangioi tu mai pengkamala’na.

PA’PUDIAN 71:1

O PUANG, Mati’ kunii mentirerung; da maro’ angku kasirisan!

PA’PUDIAN 31:1

Lu lakona pangala sengo, Pa’pudianna Daud.

TO PARENGNGE’ 6:6

naurungan makario-rio tongan tu to Israel napobua’ to Midian. Attu iato metambami tu to Israel langngan PUANG.

TO PARENGNGE’ 4:3

Meongli’mi tu to Israel lako PUANG, belanna iatu Sisera iato unnampui kasera ratu’na kareta parari bassi sia napakario-rio tongan tu to Israel situang kamasa’garanna lan duangpulo taunna.

1 OSSORANNA DATU 5:20

Ditunduimi tu tau iato mai sirari to Hagri, naurunganni iatu to Hagri sola mintu’ solana disorong tama limanna, belanna meongli’ lan kasirarian lako Puang Matua, anNa perangii tu pasambayangna, belanna ma’rannuan lako.

YEREMIA 50:7

Iatu tau iato mai napurai nakande mintu’ to unnapparanni sia nakua tu mintu’ ualinna: Tae’ kisala, belanna kasalammo tu tau iato mai lako PUANG, tu inanna kamaloloan, ondongpi lako PUANG, pa’rannuananna nene’ to dolona.

DANIEL 3:28

Ma’kadami Nebukadnezar nakua: Mintu’ kadipudian lu langngan Kapenombanna Sadrakh, Mesakh na Abednego! Nasua tu malaeka’Na sae urrampanan taunNa, tu nanii sande’, tu untengkai tu parentana datu sia umpopa’elo’na batang kalena, belanna moi misa’ deata noka ia umpakarayai ba’tu umpenombai, sangadinna Kapenombanna manna.