PA’PUDIAN 22:3 - Sura' Madatu

³ O Kapenombangku, iake allona meongli’na’, apa tae’ Mimebali, sia iake mabonginna, tae’ duka angku rapa’.

PA’PUDIAN 22:3 Referans Kwoze

PA’PUDIAN 50:23

Minda-minda tu umpennoloan pa’kurre sumanga’, iamo umpakala’bi’Na’, sia iatu to malolo lalanna, la Kupakitan kasalamaran lu dio mai Puang Matua.

PA’TOLE 10:21

Puang Iamo kadipudiammu sia Puang Iamo Kapenombammu, tu mangka umpogaurangko te mai apa tarompo’ sia metakuran tu mutiro kalena.

YESAYA 6:3

Metambami tu misa’ ungkuanni tu misa’ nakua: Maindan, maindan, maindan tongan tu PUANGna mintu’ ma’dandan maritik, iatu mintu’ lino naponnoi kamala’biranNa.

KADA OMBO’ LAKO RASULU’ YOHANES 4:8

Iatu a’pa’ a’gan kepenaa pada kepani’ siannan, natikui mata male salian sia lanna lu; tang tore sola a’pa’i allo bongi ma’kada: Maindan, maindan, maindan Puang Kapenomban, tu Umpoissan angge maritik, tu inang Den tempon dio mai, sia Den sia la saemo.

PA’PUDIAN 99:9

Pakala’bi’i tu PUANG, Kapenombanta, sia tukkukomi menomba umpennoloi buntu maindanNa, belanna masero tu PUANG, Kapenombanta.

PA’PUDIAN 65:1

Lu lakona pangala sengo. Pa’pudianna Daud. Misa’ nanian.

PA’PUDIAN 145:17

Malambu’ tu PUANG dio mintu’ lalanNa, sia masokan lan mintu’ penggauranna.

AYUB 19:7

Manassa melallakna’, kukua: Dipandasana’! apa tae’ kudipebalii. Metambana’ umpalaku pa’tunduan apa tae’ naola salunna.

AYUB 30:20

Metambana’ lako Kalemi umpalaku pa’tunduan, apa tae’ Mipebaliina’; bendanna’ dio, apa tae’ Mipalanna’ penaa.

PA’PUDIAN 88:2

O PUANG, Puang Matua oto’na kasalamarangku, meongli’na’ mati’ oloMi allo bongi.

HABAKUK 1:2

O PUANG, ba’tu sangapamo’ meongli’ umpalaku pa’tunduan, apa tae’ Miperangii, melallakna’ mati’ Kalemi, kukua: Kamasa’garan! Apa tae’ Mibengan katilendokan.