PA’PUDIAN 22:23 - Sura' Madatu

²³ La kupa’peissanan tu sangamMi lako mintu’ sangsiulurangku, sia lan lu kombongan la kunii umpudiKomi.

PA’PUDIAN 22:23 Referans Kwoze

KADA OMBO’ LAKO RASULU’ YOHANES 15:4

Mindara tu tang mataku’, o Puang, sia tang umpakala’bi’ sangamMi? Belanna kamu manna tu maindan, na mintu’ bangsa la mennolo sia umpenombaiKomi, apa payanmo tu mintu’ pangra’ta’ malambu’Mi.

LUKAS 1:50

manassa iatu kamamaseanNa tontong nasiosso’i mintu’nato ungkataku’I.

PA’PUDIAN 115:11

E kamu mintu’ to ungkataku’ PUANG, sande’komi lako PUANG! Iamo patunduanna sia balulangna.

PA’PUDIAN 50:23

Minda-minda tu umpennoloan pa’kurre sumanga’, iamo umpakala’bi’Na’, sia iatu to malolo lalanna, la Kupakitan kasalamaran lu dio mai Puang Matua.

1 KORINTUS 10:31

Iamoto, la iake kumandekomi, ba’tu mangiru’, la diona umba-umba misa’ penggaurammi, pogau’i tu mintu’nato situru’ tu la Napomala’bi’na Puang Matua.

LUKAS 2:20

Sangsulean nasangmi tu to manglaa umpakaraya sia umpudi-pudi Puang Matua, belanna mintu’na tu apa mangka narangi sia natiro sipatu tu mangka dipokadanni lako.

YESAYA 25:3

Iamoto anna pakala’bi’Komi bangsa mawatang, sia la nakataku’Komi bentengna tu mai bangsa lalong.

PA’PUDIAN 145:19

La napopembua malapu’ tu panganga’na mintu’ to ungkataku’I, sia la Natananni talinga tu pengkamoyana, anna lendokanni.

PA’PUDIAN 115:13

sia la Napamasakke tu mintu’ to ungkataku’ PUANG, la bitti’ la kapua.

PA’PUDIAN 106:5

Angku belai untiroi tu karongkosanna mintu’ to Mipilei langsa’, sia angku sende paiman sola taumMi lan kaparannuanna, sia massattuan sola tu mai to Mipomana’.

PA’PUDIAN 86:12

O Puang, Kapenombangku, la ponno penaangku umpudiKomi, sia la kupakala’bi’ tu sangamMi sae lakona.

PA’PUDIAN 33:8

Mintu’ lili’na lino la ungkataku’ PUANG, sia mintu’ issinna lino la ungkabangnga’I.

PA’PUDIAN 22:30

Mintu’ to mala’bi’ lan te lino la kumande sia umpenombai; sia mintu’ to sulemo lako litak la tukku dio oloNa, iamotu to tang nakulle ungkarimmanni deatanna.

PA’PUDIAN 26:12

Iatu lentekku mellese dio to’ inan lappa’, sia lan lu kombongan la kunii umpudi PUANG.

PA’PUDIAN 35:18

La kupudiKomi lan kombong kalua’, sia la kupakala’bi’Komi lan tinimbu malambe’.

PA’PUDIAN 109:30

La umpekapuaina’ gamarangku umpudi PUANG, sia la kupudi nanian lan to’ to buda.

PA’PUDIAN 111:1

Haleluya! La umpudina’ PUANG situang penaa kalebungku, lan kombonganna sia tinimbunna to bulo lollong.