PA’PUDIAN 22:21 - Sura' Madatu

²¹ Rampananni tu sumanga’ku dio mai bassi mataran, sia lussuranni dio mai kamasa’garanna asu tu sunga’ tungga’ku.

PA’PUDIAN 22:21 Referans Kwoze

2 TIMOTIUS 4:17

Apa Puang urrondongna’ sia umpabatta’na’, kumua anna sundun kalelean tu kadipalolanganna Kareba-kaparannuan belanna aku sia anna rangii mintu’ bangsa; sia lessu’mo’ dio mai sadang singa.

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.

KADIBILANGAN 23:22

Puang Matua, tu ussolanni lan mai Mesir, Iamo napomatoto’ butung to tanduk sapi laki lampung,

PENGGAURANNA RASULU’ 4:27

Belanna tonganna tongan lan te tondok iate mangkamo sirampun tu sia Herodes na Pontius Pilatus sola to kapere’ na mintu’ bangsa Israel unnea Yesu To masallo’Mi, tu mangka Mitokko,

YOHANES 14:30

Tae’mo nabuda Kuuleleanangkomi, belanna saemo pangulunna lino, natae’ bang dio Kaleku tu la naapanNa’.

YOHANES 8:59

Pada unnalami batu la morai untumbui batu, apa mentirerung tu Yesu Nasun lan mai Banua Kabusungan.

YESAYA 34:7

Sia tibambangmo tu ba’tu pira-pira sapi lampung sola tu mai domba sia bembe’ sia ba’tu pira-pira sapi laki sia tedong, naurungan malango tu padangna napobua’ rarana sia naamma’ litak tu lompona.

PA’TOLE 33:17

Iatu bunga’na sapinna unnampui kamala’biran sia iatu tandukna iamo tanduk sapi laki lampung; iamo la natandukanni tu mai bangsa, mintu’ randan langi’. Iamote tu ma’pulo-pulo sa’bunna Efraim sia iamote tu ma’sa’bu-sa’bunna Manasye.

LUKAS 22:53

Kiallo-kiallo misisolanNa’ lan Banua Kabusungan, tae’ra mipata’paiNa’ limammi, apa iamote tu allu’mi sia parenta kamalillinan!

PA’PUDIAN 35:17

O PUANG, sangapapoKomi la untiro-tiro bangi? Lendokammi tu deatangku dio mai kasangganganna, sia rampananni tu sunga’ tungga’ku dio mai mintu’ anak singa.