PA’PUDIAN 22:16 - Sura' Madatu

¹⁶ Iatu kamabukuangku marangkemo butung bibang, sia iatu lilaku la’ka’ lako lingaroku; amMi parokkona’ to’barra-barra’ kamatean.

PA’PUDIAN 22:16 Referans Kwoze

YOHANES 19:37

Sia den duka kada lan Sura’ Madatu: La natiro tau iato tu Tau mangka natobok.

MATIUS 27:35

Tonna mangka unna’ta’i tu Yesu, nasitaaimi tu pakeanNa nasire’tekki.

ZAKHARIA 12:10

Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

YOHANES 20:25

Nakuami tinde anak gurunNa senga’ lako Tomas: Kikitamo tu Puang. Apa nakua Tomas lako: Iake tae’pi kutiroi tu lalan paku dio limanNa sia kuului rakka’ku tama, sia ke tae’pi kuului tu limangku tama la’pekNa, tae’pa kupatonganni.

YOHANES 19:23

Iatu surodadu tonna mangkamo unna’ta’I tu Yesu, naalami tu pakeanNa napa’a’pa’i, napantan unnalai sangtaan ke misa’i, sia ia duka tu bayu lanna lu; iatu bayu tae’ dasi’na, sangadinna sangkalae bang tempon dao mai sae rokko.

MARKUS 15:24

Naa’ta’mi, nataa-taai tu pakeanNa nasire’tekki kumua napada unnalai tu la napotaanna.

YOHANES 19:34

sangadinna den misa’ surodadu untobokki dokena tu la’pekNa Yesu, nata’pa sun tu rara sola uai.

LUKAS 23:33

Iatonna rampomo lako to’ inan disanga Kararo ulu, naa’ta’mi tu Yesu dio sia iatu to kadake da’dua, misa’ dio kananNa na misa’ dio kairinNa.

FILIPI 3:2

Kanandaikomi kalemi dio mai to dadi asu; kanandaikomi kalemi dio mai to umpogau’ kakadakean; kanandaikomi kalemi dio mai sunna’ sala.

LUKAS 23:23

Apa tae’ napaka’tui metamba umpekapuai gamaranna, natuntunni bang tu Yesu la dia’ta’ na samasarrang-sarrangna bang tu petambana tau.

YESAYA 53:5

Apa belanna salata anna bangke sia kakelokanta anna disanggang; iatu ukungan umpabu’tuangki’ kasalamaran urrampoi kalena, sia bannang dio sisulla’pang-la’pangna, anta pomondoi.

PA’PUDIAN 22:20

Apa iatu Kamu, o PUANG, da Mitoyang, o oto’ kamatotorangku, madomi’moKomi untunduina’.

PA’PUDIAN 22:1

Lu lakona pangala sengo. Unturu’ baenan sengo: Donga birang sipera’pa’ oni manuk. Pa’pudianna Daud.

YOHANES 20:27

Namane ma’kada lako Tomas, Nakua: Patadomi mai tu rakka’mu, tiromi tu limangKu, sia patadomi mai tu limammu muului tama tu la’pekKu, da mutang ma’patongan, sangadinna katappa’i.

PA’PUDIAN 59:6

O PUANG, Kapenombanna mintu’ ma’dandan maritik, Kapenombanna to Israel, ke’de’Komi la unnada’i tu mintu’ to tang untandai kapekaalukan, da Mikatirinnai tu mintu’ to tang maruru’ sia umpogau’ kakadakean. Sela

KADA OMBO’ LAKO RASULU’ YOHANES 22:15

Apa la salian rinding tu mintu’ asu sia to patiro-tiro sia to ma’gau’ sala, sia mintu’ to papatean, sia mintu’ to umpenombai deata, sia minda-minda tu ungkamali’ kamo’rangan sia umparri-parrii.

PA’PUDIAN 86:14

O Puang Matua, mintu’ to matampo ke’de’mo umbalina’, sia kombonganna to masa’ga’ la ungka’tu sunga’ku. Sia tae’mo nakilalaiKomi lan penaanna.

MATIUS 26:57

Iatinde to untingkan Yesu, male umbaaI lako Kayafas, Tominaa Kapua, lako tu inan nanii sirampun mintu’ pandita Sukaran aluk sia pekaamberan pa’tondokan.

MATIUS 7:6

Da mibenni apa masero tu asu sia da mipembuanganni tu mattiarammi lako to’ bai, nalullu’ manii anna sule umballak-ballakkomi.

YEREMIA 12:6

Belanna moi mintu’ siulu’mu sia mintu’ sangdadianna ambe’mu tang maruru’ lako kalemu, metamba tu tau iato mai dio boko’mu umpekapuai gamaranna; da mupatonganni, ke ma’kada mammi’i lako kalemu.

PA’PUDIAN 59:14

Sabu’i kasengkean tu tau iato mai, sabu’i, naurunganni sappi, anna issanni kumua Puang Matua tu Kapekapuanganna Yakub, landa’ lako randan langi’. Sela

PA’PUDIAN 38:11

Ma’baramba tu penaangku, sia tae’mo kamabukuangku, sia ia duka tu kamarorronganna matangku pa’demo.