PA’PUDIAN 22:10 - Sura' Madatu

¹⁰ Kamumo tu mangka umpatibussanna’ lan mai pa’tambukan, Kamu umpamamma’ manamanna’ lako to’ susunna to mendadiangku.

PA’PUDIAN 22:10 Referans Kwoze

GALATIA 1:15

Apa iatonna poelo’mi Puang Matua tu umpamarimbangan tempon lanna’ mai pa’tambukanna indo’ku, sia untambaina’ diona pa’kamaseanNa,

YEREMIA 1:5

Iatonna tae’pa Kukombongko lan inan tau, inang Kutandaimoko sia iatonna tae’pa mutassu’ lan mai pa’tambukan, Kupamarimbanganmoko sia Kuangka’ko nabinna mintu’ bangsa iato.

YESAYA 49:1

PerangiiNa’, e mintu’ lebukan, sia tananni talinga, e kamu mintu’ bangsa mambela. Tempon lanpa mai pa’tambukan Nanii untambaina’ PUANG sia randuk lan mai inan tau Nanii ussa’bu’i tu sangangku.

YOHANES 20:17

Nakuami Yesu lako: Da mukaka’Na’ mai, belanna tae’pa Kukendek langngan Ambe’; apa laomoko lako mintu’ siulu’Ku, sia pokadanni kumua: La kendekNa’ langngan Ambe’Ku sia Ambe’mi, PuangKu sia Puangmi.

LUKAS 2:40

Sakapua-puanami tinde Pia samatoto’-toto’Na sia Naponnoi kakinaan sia tae’ natore pa’kamaseanNa Puang Matua lako.

LUKAS 2:52

Sakerangngan-rangngannami kamanaranganNa tu Puang Yesu sia kakapuanNa situru’ pa’poraianNa Puang Matua sia tolino.