PA’PUDIAN 21:9 - Sura' Madatu

⁹ La nalambi’ limamMi tu mintu’ ualimMi, sia la nalambi’ lima kananMi tu mintu’ to ungkabiri’Komi.

PA’PUDIAN 21:9 Referans Kwoze

MALEAKHI 4:1

Belanna manassa la sae tu allo iato ma’ lana-lana susi dapo’ api. Attu iato, mintu’ to matampo, sia mintu’ to umpogau’ kakelokan la susi dalame, sia iatu allo la sae la umballa tau iato mai –, kadanNa PUANGna mintu’ ma’dandan maritik – naurungan moi iatu aka’ sia moi iatu tangke tae’mo ditampean tau iato mai.

PA’PUDIAN 50:3

Iatu Kapenombanta la sae tae’ nala ma’pakappa, dio oloNa den api la ma’pamampu’, sia naguririkkI angin bara’.

PA’PUDIAN 18:8

Lino’mi tu padang sia tigega’, sia mintu’na garonto’ tanete tiseno, sia tigega’ belanna kare’dekanna ara’Na.

2 TESALONIKA 1:8

situang api ma’lana-lana, anNa pabala’i tu to untumpu Puang Matua sia iatu to manoka umpengkaolai Kareba-kaparannuanNa Puangta Yesu.

BATING 2:2

Nasanggangi nasangmo Puang tu padangna Yakub, moi misa’ tae’ Nakatirinnai. Diona kare’dekanna ara’Na, Natuanni tu tambakukunna anak dara Yehuda; Natua’mo rokko padang, sia Napakasarembangan tu kadatuan sola mintu’ arungna.

NAHUM 1:6

Minda la unnattai bendan dio olo katorrong-torronganNa? Mindara la umpatananni tu kasengkean ma’lana-lananNa? Iatu kare’dekan ara’Na tibarrak susi api sia iatu mai buntu batu tesse-tesse dio oloNa.

YESAYA 26:11

O PUANG, tie’te’ tu limamMi, apa tae’ anna mengkilala; apa la mengkilala sia masiri’ diona kamakaritutuamMi lako bangsa iato. Ondongpi iatu api ungkande to umbaliKomi, la ungkande duka tau iato mai.

PA’PUDIAN 2:12

Pangke’i tu Anak da Nasengke sia da misanggang dio lu lalan, belanna madomi’ re’dek tu ara’Na, maupa’ tu mintu’ to umposande’I.

PA’PUDIAN 2:5

Undinnato la ma’kada situang kasengkeanNa, sia Napatiramban kare’dekanNa tu tau iato mai:

PA’TOLE 32:22

Belanna misa’ api dukku lan kare’dekan ara’Ku; tu ma’kande sae rokko to’ mandalanna lino to mate; pura nalalle tu kapadanganna sola burana, sia namampu’i tu garonto’na mintu’ buntu.

KADA OMBO’ LAKO RASULU’ YOHANES 20:14

Nadipembuangan tu kamatean sola lino to mate tama limbong api iato; iamote tu kamatean ma’penduanna: tu limbong api.

KADA OMBO’ LAKO RASULU’ YOHANES 19:15

Sia lan mai pudukNa sun misa’ pa’dang mataran la Naba’tan mintu’ to kapere’. Ia duka la umparentai tekken bassi sia iamo ullullu’ bua anggoro’ lan panglulluran, iamo kamaparranganna kasengkeanNa Puang Matua Umpoissan angge maritik.

1 TESALONIKA 2:16

sia nagagaikan ma’kada lako tu mai to kapere’, dikua anna kabu’tui kamakarimmanan; iatu iannato nanii to Yahudi nenne’ untompei kasalanna; apa narampoimo kasengkeanNa Puang Matua landa’ lako ma’katampakanna.

MATIUS 25:46

Dadi tau iato la lu tama kamaparrisan tontong sae lakona; apa iatu to malambu’ la tama katuoan tontong sae lakona.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

MATIUS 22:7

Sengkemi tinde datu, nasuai tu surodadunna ummangsanni tu mintu’ to papatean sia umballai tu kotana.

MATIUS 13:50

Anna pembuanganni tama dapo’ nanii api; indemoto nanii katumangiran sia kasisangeran isi.

MATIUS 13:42

Anna dipembuangan tama dapo’ nanii api; indemoto nanii katumangiran sia kasisangeran isi.

MATIUS 3:12

Diomo Natoe tu barangNa; la Napemata’pii tu panglullu’Na, anNa rampunni tama pa’pannian tu malapu’na, apa iatu langkona la pura Naballa api tang pa’de-pa’de.

MATIUS 3:10

Nakampai bangmo uase tu garonto’ kayu; iamoto umba tu kayu tang membua melo, la dilelleng na dibuang tama api.

PA’PUDIAN 106:17

Mengangami tu padang anna amma’i tu Datan, sia nasamboi tu mintu’ to nasamaturusan Abiram.

AYUB 6:3

Manassa iatu magasanna losong na iatu bungin diong randan tasik; iamoto na iatu kadangku tang ma’rundunan bangmo.

KADADIAN 19:28

Namentiro lako to’ sipatunna Sodom na Gomora sia lako to’ sipatunna lili’ bambana Padang, anna tiroi tu rambu kendek diong mai, susi rambu sun lan mai panglallangan.

EZRA 6:12

Na Puang Matuamora tu umpaunnisung sanganNa inde to dio, ussabu’i tu mintu’ datu sia bangsa, tu ullendai te parenta iate sia unnangka’ limanna la ussanggangi te banuanNa Puang Matua dio Yerusalem. Akumo, Darius, tu umpatassu’i te parenta iate; manassa la dipalalo tongan.

PA’PUDIAN 18:38

Mangkamo kuula’ sumpu tu ualingku angku lambi’i, sia tae’ kusule, ke tang kumangsanni nasangpi.