PA’PUDIAN 20:8 - Sura' Madatu

⁸ Den tu tau ussattuan kareta, sia den ussattuan darang, apa iatu kita ussattuangki’ sanganNa PUANG Kapenombanta.

PA’PUDIAN 20:8 Referans Kwoze

PA’PUDIAN 125:1

Nanian Hamaa’lot. Iatu mintu’ to umposande’ PUANG, sitinti buntu Sion, tang tibendon, sangadinna bantang sae lakona.

MIKHA 7:8

Da muposendei tu a’gangku, e uali baine: moi angku tobang, manassa la bendanna’ sule; moi angku unno’ko’ lan kapittukan, manassa PUANG la dadi arrangku.

TO PARENGNGE’ 5:31

Susimoto la sanggang tu mintu’ ualimMi, o PUANG! Apa iatu mintu’ to ungkamali’ Puang la susito allo dellek mapannang. Mangkato marampa’mi tu tondok patangpulo taunna.

YOSUA 11:4

Tassu’mi tu tau iato mai sola mintu’ surodadunna tu nasolan, lendu’ budanna, susito karangan dio biring tasik sia iatu mai darang sia kareta lendu’ budanna.

1 SAMUEL 17:45

Apa nakua Daud lako to Filistin iato: Iatu iko sae lako kaleku ma’pa’dang sia ma’doke sia ma’doke lambaran, apa aku te sae lako kalemu tete dio sanganNa PUANGna mintu’ ma’dandan maritik, iamotu Kapenombanna kaponan surodadu to Israel, tu muape-ape.

2 DATU 19:23

Tete dio sumbungan pudukmu ammu be’sei tu PUANG, sia ma’kada kumua: Kabudanna karetaku angku kendekki tu bottona buntu sae lako malangka’na Libanon; sia kulelleng tu mintu’ garonto’ arasi’ kalandona, sia mintu’ sendana mellongna, sia la rampona’ tama inan mandalanna sia tama pangala’ tamman makampunna.

2 OSSORANNA DATU 14:10

Ke’de’mi tu Asa la unneai; sipa’pampangammi tu tau iato mai diong lombok Zefata, sikandappi’ Maresa.

2 OSSORANNA DATU 14:11

Meongli’mi tu Asa lako PUANG, Kapenombanna, nakua: O PUANG, tae’ tu misa’ tau saliananna Kamu la untundui to langga’ unnea to matoto’. Tunduikanni, o PUANG, Kapenombangki, belanna sande’kan lako Kalemi sia tete dio sangamMi angki ke’de’ unneai te to pada budanna to. O PUANG, Kamumo tu Kapenombangki, ke ma’dinni da naden misa’ ma’rupa tau ungkullei unneaKomi.

EZRA 8:22

Belanna masiri’na’ umpalakui lako datu tu surodadu sia pakkanarang la ungkampaikan dio mai ualingki dio lu kalingkangki, belanna ma’kadakanni lako datu, kumua: Pa’kaboro’Na Kapenombanta urrande pala’i tu mintu’ to undaka’i, apa iatu kuasanNa sia kare’dekan ara’Na unneai tu toumboko’i.

PA’PUDIAN 33:16

Misa’ datu tae’ anna umpopatalo kabudanna pa’baraninna, sia misa’ to lalong tae’ anna umpolussu’ katarru’-baranianna.

PA’PUDIAN 33:17

Iatu darang misa’ parea tang lolo’ la umpabu’tu kapataloan, sia liu matoto’na tae’ nabelai merampanan.

PA’PUDIAN 124:8

Iatu pa’tunduanta umpotete sanganNa PUANG, tu mangka umpadadi langi’ sola lino.

SARAMBU PEADA’ 21:31

Iatu darang dipasakka’, ke allo kapararian, apa iatu kapataloan lu dio mai PUANG.

HOSEA 14:4

Tae’mo anna Asyur tu la urrampanangkanni, tae’mo angki la ma’darang. Sia tae’mo angki la ma’kada lako panggaraga limangki kumua: O Kapenombangki! Belanna diori mai Kalemi nanii unnappa’ kamamasean tu pia biung.