PA’PUDIAN 20:6 - Sura' Madatu

⁶ La unnarrakkan belanna kapataloammi, sia la umpakendekki’ bandera ussa’bu’ sanganNa kapenombanta. Sangapaoi anNa padenangkomi PUANG tu mintu’na mipalakunna.

PA’PUDIAN 20:6 Referans Kwoze

PA’PUDIAN 28:8

PUANGmo kamatotoranna taunNa, sia Iamo tambakuku nanii kamakarimmananna taunNa tu mangka Natokko.

PENGGAURANNA RASULU’ 5:31

Iamora Te tu napakalangka’ lima kananNa Puang Matua mendadi Pangulu sia To pakarimmanan la umpa’kamasean katobaran lako to Israel sia kadipa’deian kasalan.

PENGGAURANNA RASULU’ 4:10

la miissan sola nasang sia mintu’ to Israel, kumua tete dio sanganna Yesu Kristus, to Nazaret, tu mangka mia’ta’ sia Napamalimbangun Puang Matua dio mai to’ to mate, sanga iato anna maleke te tau iate bendan dio tingayomi.

MATIUS 6:9

Iamoto dadi la mikua massambayang: O Ambe’ki dao suruga, (kipalaku) anna dipakala’bi’ tu sangamMi:

YESAYA 63:15

Pata’paKomi matamMi dao mai suruga sia tiroi lan mai inan maindan mala’bi’Mi. Umbamira tu kamakaritutuamMi sia penggauran matoto’Mi? Tang lattu’ lako kaleku tu karantangan buaMi sia kamamaseamMi?

PA’PUDIAN 18:50

Iamoto angku la umpudiKomi, O PUANG, dio lu mintu’ bangsa, sia la kupenanian pa’pudian tu sangamMi.

PA’PUDIAN 2:2

Mintu’na datu lan te lino sangtiangkarammo, sia mintu’nato paa samaturu’mo la unnea PUANG sia To NatokkoNa, nakua:

PENGGAURANNA RASULU’ 2:36

Iamoto la naissan tongan mintu’ to ma’rapu Israel kumua Puang Matuamo umpadadiI Puang sia Kristus tu Yesu, tu mia’ta’.

YESAYA 58:9

Iammu metamba, la nabaliko PUANG; iammu mengkamoya lako, la Nakuangko: Inde siaNa’. Iammu patoyangi dio mai kalemu tu mintu’ ayoka pa’pakario-rio sia pa’dullu-dullu sia kada pelo’bo,

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

PA’PUDIAN 41:11

Apa Kamu, o Puang, kamaseina’ dikka’ sia pamillikna’, angku pabala’i tu tau iato mai.

PA’PUDIAN 18:35

Napopa’biasa tu limangku parari, naurunganni malute tu limangku unggittingan ulang pana tambaga.

PA’PUDIAN 17:7

Pakalle-kalleammi tu tanda mamaseMi, o Puang tu ullendokan to mentirerung dio kananMi dio mai mintu’ to unneai.

1 DATU 8:43

la Miperangii dao mai suruga inan matontongamMi, sia pasituru’i tu mintu’ apa napengkamoyai tu to sae lako Kalemi, anna mintu’ bangsa dao kuli’na padang untandai tu sangamMi, naurunganni umpangke’Komi tu tau iato mai, susi taumMi to Israel, sia anna tandai, kumua sangamMimo tu disa’buranni te banua iate, tu mangka kupabendan.

1 DATU 8:30

Perangii tu pengkamoyana taumMi sia taumMi to Israel, tu la napennoloan lan inan iate. Manassa la Miperangii sia lan mai inan Minii torro, iamotu dao suruga; sia iamMi rangimi, la Mipa’dei tu kasalangki.

PENGGAURANNA RASULU’ 2:33

Iatonna pamalangka’mi lima kananNa Puang Matua sia Natarima dio mai Ambe’ tu Penaa Masallo’ diallu’, Natua’mi tu Penaa iato susite mikita sia mirangi.

PA’PUDIAN 9:15

Kumua angku uleleanni tu mintu’ penggauran mala’bi’Mi, angku lo’dok to kaiyangan lan babanganna anak dara Sion belanna kasalamaran lu dio mai Kalemi.

MIKHA 4:5

Belanna mintu’ bangsa pantan lolang tete dio sanganna deatanna, apa iatu kita la lolangki’ tete dio sanganNa PUANG, Kapenombanta, tontong sae lakona.