PA’PUDIAN 20:3 - Sura' Madatu

³ Sia ussua pa’tunduan lan mai inan kabusungan, sia ussande’komi lan mai Sion.

PA’PUDIAN 20:3 Referans Kwoze

PA’PUDIAN 51:19

Iatu pesuru’ naala penaanNa Puang Matua, iamotu penaa rantang; iatu penaa rantang tang sirua-rua tae’ Mitiro bitti’i, o Puang Matua.

PENGGAURANNA RASULU’ 10:4

Lendu’mi mataku’na mentiro lako malaeka’ sia nakua: Apara mitungkanan, Puang? Nakuami lako: Mintu’na passambayangmu sia pa’kamasemu rampomo langngan Puang Matua sia Napengkilalai.

2 OSSORANNA DATU 7:1

Iatonna mangkamo tu Salomo massambayang, pakalan songlo’mi tu api dao mai langi’, umpepurai nakande tu pemala’ ditunu pu’pu’, sia mintu’ pemala’ pangrere’, na iatu kamala’biranNa PUANG ussitutu’i tu banua iato.

KADADIAN 4:4

Ia duka tu Habel naala tu duku’ bembe’ sia domba pa’bunga’na sia lompona. Naalami penaanNa PUANG tu Habel sia iatu pemala’na.

1 PETRUS 2:5

la susi dukakomi batu tuo dibangun mendadi misa’ banua mempenaa sia kombongan masallo’na tominaa, dikua ammi pemalaran pesuru’ mempenaa, tu Naporai Puang Matua belanna Yesu Kristus.

EFESUS 5:2

sia lolangkomi umpa’pekitanan pa’kaboro’ susi Kristus mangka ungkamaseikomi, sia mangka ussorong Kalena belanna kita, mendadi pemala’ sia pesuru’, tu busarungngu’ lako Puang Matua.

YESAYA 60:7

Mintu’ dombana Kedar la dipopa’misa lako kalemu sia mintu’ domba lakinna Nebayot la dirambangko ammu poapai; la dipalangngan inan pemalarangKu, anna dipemalaran napopaiman penaangKu sia iatu banua mala’bi’Ku la Kupamala’bi’.

1 OSSORANNA DATU 21:26

Indemoto nanii Daud umpabendananni PUANG tu inan pemalaran, napemalaranni tu pemala’ ditunu pu’pu’ sia pemala’ kasalamaran, nametamba langngan PUANG, Nabalii Puang api dao mai langi’ sae dio to’ inan pemalaran dinii mantunu.

SURA’ KATOMINAAN 9:24

Tassu’mi tu api dio mai oloNa PUANG ungkandei tu pemala’ ditunu pu’pu’ sia iatu mintu’ lompo tiira’na dao inan pemalaran; iatonna tiromi bangsa iato tu iannato, siarrakammi anna tukku sae rokko padang.

PA’PUDIAN 128:5

Sangapaoi anNa pamasakkeko PUANG lan mai Sion, sia sangapaoi ammu tiroi tu upa’na Yerusalem angge tuomu,

PA’PUDIAN 134:3

Sangapaoi anNa pamasakkeko PUANG lan mai Sion, Puang umpadadi langi’ sia lino.