PA’PUDIAN 2:6 - Sura' Madatu

⁶ Manassa mangkamo Kupamatu’tun tu datungKu, dao Sion buntu maindanKu!

PA’PUDIAN 2:6 Referans Kwoze

KADA OMBO’ LAKO RASULU’ YOHANES 14:1

Tiramban kutiroi tu Anak domba bendan dao buntu Sion, sia sisola tau saratu’ patangpulo nna’pa’ sa’bunna, tu to disura’ dio kidena tu sanganNa Anak domba sia sanganNa Ambe’Na.

MATIUS 28:18

Napentireke’imi Yesu, anNa ma’kada lako tu tau, Nakua: Mintu’na kakuasan disorongmo lako Kaleku, la dao suruga la lan te lino.

EFESUS 1:22

Sia mintu’na angge maritik Napopengkanorong Puang Matua diong to’ lentekNa, sia Nakamasean kombongan mendadi pennuluanna mintu’na angge maritik.

IBRANI 12:22

Apa rampo lu lakomokomi buntu Sion sia tondokNa Puang Matua matontongan, iamotu Yerusalem dao suruga, sia lako kasipulunganna massa’bu-sa’bu malaeka’,

PA’PUDIAN 45:6

Iatu mai tinaranmi mata’tak! – ba’tu pira-pira bangsa mipatunduk – iatu tinaranmi lendu’ tama banua mintu’ ualinna datu.

PA’PUDIAN 89:27

La ma’kada lako Kaleku kumua: Kamumo tu Ambe’ku, Kapenombangku sia buntu batu kasalamarangku.

PA’PUDIAN 78:68

Sangadinna Naturo ta’ba tu suku Yehuda, sia iatu buntu Sion tu Napa’budai.

PA’PUDIAN 50:2

Iatu Puang Matua pangkillang dio Sion, sundun kamaballoanna.

YESAYA 55:4

Kupatunannangmo la ma’katottongi lako mintu’ bangsa sia la napodatu sia la napekapuangi mintu’ bangsa.

YEHEZKIEL 17:22

Inde sia tu kadanNa Puangta PUANG Nakua: Attu iato Aku Kalena la unnalai tu misa’ taruk dao mai lolok kayu arasi’ madao, angKu tananni rokko padang; dao mai takke’-takke’ mangura madaoanna la Kusa’pek tu misa’ tarukna na Aku kalena la untananni dao misa’ buntu malangka’ sia mala’bi’.

DANIEL 2:44

Lan attunna mintu’ datu iato la Napabendan Puang Matua dao suruga tu misa’ kadatuan tang la sanggang len sae lakona sia iatu parentana kadatuan iato tang la lele len lako bangsa senga’: iamo la unnisak-nisakki sia la umputtai tu mintu’ kadatuan dipokada undinna, apa ia manna ia la marendeng sae lakona,

ZAKHARIA 8:3

Inde sia tu kadanNa PUANG Nakua: La suleNa’ lako Sion, angKu torro lan Yerusalem; iatu Yerusalem la disangai kota kamarurusan, na iatu buntunNa PUANGna mintu’ ma’dandan maritik, la diganti buntu kamaindanan.