PA’PUDIAN 2:2 - Sura' Madatu

² Mintu’na datu lan te lino sangtiangkarammo, sia mintu’nato paa samaturu’mo la unnea PUANG sia To NatokkoNa, nakua:

PA’PUDIAN 2:2 Referans Kwoze

MATIUS 26:59

Napatamammi kada pangulu-pangulu to minaa sola mintu’ Ada’ tu Yesu, kumua anna patei;

MATIUS 27:1

Iatonna masiangmo, nakombongammi mintu’ pangulu to minaa sia pekaamberan pa’tondokan tu diona Yesu, kumua anNa dipatei.

PA’PUDIAN 45:7

Isungan kapayungamMi, o Puang Matua, tontong sae lakona, Sia tekken kamalamburan iamo tekken kapayungammi.

PENGGAURANNA RASULU’ 10:38

tu diona Yesu to Nazaret, umba nakua Puang Matua mangka untokkoI Penaa Masallo’ sia kamatotoran. Tu male lumiling umpogau’ kameloan, sia umpamatana mintu’ to nasakkolo’ deata bulituk; tu belanna Narondong Puang Matua.

SARAMBU PEADA’ 21:30

Tae’ tu kakinaan sia tae’ tu tangnga’ kinaa, tae’ duka tu bisara, ke umpennoloiki’ PUANG.

YOHANES 1:41

Bunga’na sitammumi Andreas tu Simon, siulu’na, nakuami lako: Kikabu’tuimo tu Mesias, ke dipallemba’i battuananna Kristus.

PA’PUDIAN 74:23

Sia da Mitang ungkilalai tu arrakna ualimMi, belanna iatu angnga’na to umbaliKomi tontong bangmo kendek langngan.

PA’PUDIAN 48:4

Umpa’pepayanammo Kalena tu Puang Matua lan tongkonan layukNa la mendadi tambakuku matoto’.

PA’PUDIAN 2:10

Iamoto la kinaakomi, e mintu’ datu, sia Ma’perangikomi, e mintu’ to ma’parenta lino.

YOHANES 3:34

Belanna Iamotu Nasua Puang Matua umpokada kadanNa Puang Matua, apa tang liu-liu tu Puang Matua umpa’kamasean Penaa.

PA’PUDIAN 89:20

Tonna attu iato ma’kadamoKomi lako to masallo’Mi lan patiro mendeata, susite: Mangkamo Kulampakan pa’tunduan tu misa’ lalong, sia Kupamatandemo tu misa’ to dipilei langsa’ lan mai bangsa iato.

PA’PUDIAN 74:18

O PUANG, kilalai tu diona uali untelleKomi, sia bangsa tae’ pa’inaanna untunai sangamMi.

KATASSURAN 16:7

Sia masiang melambi’, ammi tiroi tu kamala’biranNa PUANG, belanna iatu pa’nuku-nukummi ussayu PUANG Narangimo. Apa tau aparakan te sola dua, ammi ma’nuku-nukura lako kaleki?

IBRANI 1:9

Mikamali’ tu kamaloloan amMi sayu kakelokan: iamoto, o Kapenomban, anna bolloiKomi minna’ KapenombamMi tanda kasendean. NapalosongKomi na iatu mai solaMi.

YOHANES 15:23

Minda-minda tu ungkabiri’Na’, ia duka ungkabiri’ Ambe’Ku.

LUKAS 13:31

Iatonna allo iato saemi ba’tu pira to Farisi umpellambi’i Yesu, nakua: Ke’de’moKomi, mallaimoKomi indete, belanna la morai Herodes umpateiKomi.

MATIUS 2:16

Undinna tonna issanmi Herodes kumua napakena to patanda-tandan, lendu’mi sengkena, nasuami tu tau lao umpatei tu mintu’ pia’-pia’ muane, tu lanna tondok Betlehem sia lan mintu’ lili’na, tu ma’angge duang taunnamo dadinna, naagian dio mai tu mangkanna napesumpu lako to patanda-tandan.

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

PA’PUDIAN 110:5

Iatu Puang dio kananMu. Ia ussolangi ba’tu pira-pira datu-datu ke allo kasengkeanNai.

PENGGAURANNA RASULU’ 9:4

Songkami rokko padang, anna rangii tu gamara umpa’kadai kumua: E Saulus, Saulus, ma’apari mupakario-rioNa’?

MATIUS 26:3

Tonna iato sirampunmi tu mintu’ pangulu to minaa sia pekaamberan dio banua pangra’tasan kara-karana Tominaa Kapua, tu disanga Kayafas,

PA’PUDIAN 48:5

Belanna mintu’na datu sipulungmo, ke’de’ sola nasang untu’ba’i;

PA’PUDIAN 83:6

Inang manassa misa’ penaamo tu tau iato mai untampa tengko situru’, sia unnarra’ lampa kada la unneaKomi: