PA’PUDIAN 19:7 - Sura' Madatu

⁷ Iatu kadellekanna dio mai randan langi’, sia kamenggulilinganna landa’ lako randan sangbalinna, na moi misa’ apa tae’ kalalunan dio mai kamapannanganna.

PA’PUDIAN 19:7 Referans Kwoze

PA’PUDIAN 119:130

Kadipapayananna kadamMi umpamasiang sambu’ penaanna tau. Sia umbenni tangnga’ kinaa tu to tang unnampui tangnga’ kinaa.

PA’PUDIAN 111:7

Iatu lalan limanNa iamo kamanapparan sia katonganan, sia tappa’ mintu’ parentaNa.

KOLOSE 3:16

Anna kadanNamora Kristus lempan unnongannikomi; siada’komi sia sipakilalakomi situru’ mintu’ kakinaan, sia situru’ pa’pudian sia pa’tendeng sia penanian masallo’ mimenani ma’kurre sumanga’ langngan Puang Matua lan penaammi.

SARAMBU PEADA’ 1:4

la umpaden kamanarangan lako to tang paissan sia kapaissanan sia pa’timbang melo lako to mangura.

PA’PUDIAN 23:3

Ia umpamatana deatangku, sia ussolanna’ lako mintu’ lalan malolo, diona sanganNa.

PA’PUDIAN 119:105

Iatu kadamMi sitinti palita diong to’ lentekku, sia butung bia’ unnarrang lalanku.

PA’TOLE 32:4

iamotu Buntu batu, sundun tu panggaraganNa, belanna mintu’ lalanna malolo; misa’ Kapenomban narondong kamarurusan, tang unnampui kakelokan, malambu’ sia tongan Ia.

2 TIMOTIUS 2:19

Apa moi susito tae’ namatumba len, belanna iatu parandangan matoto’Na Puang Matua bintin, na iatu pearra’na, kumua: Natandai Ia Puang Matua tu taunNa; sia nakuapa: Minda-minda tu ussa’bu’ sanganNa Puang, la umboko’i kakelokan.

PA’PUDIAN 93:5

Tang balle kasa’biamMi, kamaseroan napokassa’ banuamMi tontong sae lakona, o PUANG.

2 TIMOTIUS 1:8

Iamoto da mumasiri’ umpa’peissananni tu diona Puangta, sia da mupomasiri’i tu diona aku te dirante bassi, sangadinna la pada-padako umperasai kamaparrisan tu belanna Kareba-kaparannuan situru’ kamatotoran dio mai Puang Matua.

YESAYA 8:20

Lako (manna) pepasan sia kada dipaombo’! Minda-minda tu ma’kada tang sipatu kada iato, tae’ anna la sitiro arrang melambi’.

YAKOBUS 1:17

Iatu mintu’na pamengan sia mintu’na pa’kamase lu dao mai, songlo’ dao mai Ambe’, oto’na mintu’ parrangna dao langi’, Iamotu tang membali sia tae’ natimbayo len katileleanNa.

ROMA 15:4

Belanna mintu’na tu apa disura’ dolomo, disurasammoki’ la mendadi pangadaran lako kaleta, kumua anna manda’ rannunta diona kama’tanan penaa sia diona pa’pakatana lan mai Sura’ Madatu.

PA’PUDIAN 119:111

Mintu’ kasa’biamMi kualamo kupokataanan matontongan, belanna naposende penaangku.

YOSUA 1:8

Da nalessu’ dio mai pudukmu tu sura’ Sukaran aluk iate, sangadinna la muparinaa bang ke allo sia ke bongi, ammu turu’ tongan-tonganni tu mintu’ apa disura’ lan, belanna iake susito, la umpamaupa’ko mintu’ lalanmu, sia la rongko’ko.

PENGGAURANNA RASULU’ 10:43

Iatu diona Ia nakatottongi mintu’ nabi, kumua minda-minda umpatonganNi unnappa’ kadipa’deian kasalan tete dio sanganNa.

PA’PUDIAN 119:72

Iatu atoran Sukaran aluk ombo’ dio randan pudukMi mandu maelo lako kaleku, anna iatu bulaan sia salaka massa’bu-sa’bu.

PA’PUDIAN 18:30

Belanna Kamu dukari angku laoi sangtuntunan surodadu, sia Kapenombangkuri angku leanni benteng batu.

AYUB 23:12

Iatu pepasan sun dipudukNa tae’ kupatoyangi, lan ba’tengku kuanna tu kada Nasa’bu’.

ROMA 12:2

Sia da mipeolai tu a’ganna te lino, sangadinna la membalikomi diona kadiba’ruanna penaammi, ammi issanni untandai pa’poraianNa Puang Matua, iamo melona sia Naporainna sia sundunna.

PA’PUDIAN 119:24

Mintu’ tu kasa’biamMi kuposende, sia iamoto ma’pakilalaku.

PA’PUDIAN 119:14

Kuposende tu lalan kasa’biamMi, susina’ to umposende kasugiran.

YOHANES 5:39

Minannung tu lanna Sura’ Madatu, belanna misanga lan mai la minii ungkabu’tui katuoan tontong sae lakona; anna ia duka tu Sura’ iato ungkatottongi tu diona Aku.

YESAYA 8:16

Lulunni muporii tu kada dipaombo’ sia ca’i tu pepasan dio lu to’ anak gurungku.

PA’PUDIAN 119:152

Tempon diopa mai angku issanni lan kasa’biamMi. Kumua Mipabantangmo tontong sae lakona.

PA’PUDIAN 119:9

Umba la nakua ungkaritutui gau’na tu to mangura anna masero? Iapi ke nakaritutui susitu kadamMi.

2 SAMUEL 23:5

Apa tang susikan to sola bati’ku dio oloNa Puang Matua. Moi susito Natanananna’ misa’ basse matontongan, tu ma’rundunan nasang sia ditoe manda’. Belanna tang la Napabu’turika tu mintu’ kasalamarangku sia mintu’ kapaimanangku?

KADA OMBO’ LAKO RASULU’ YOHANES 19:10

Tukkumo’ umpenombai, apa nakua lako kaleku: Da mususi to! Aku te, padaki’ taunNa Puang Matua, sia susi duka mintu’ sangsiulurammu tu untoena apa Nakatottonginna Yesu; Puang Matua Ia tu la mupenombai! Belanna iatu apa Nakatottonginna Yesu, iamo napopenaa pa’nubua’.

ROMA 3:2

Buda, ma’rupa-rupa napolosong. Ma’pempissanna kumua mintu’na kadanNa Puang Matua mangkamo dipakambiranni.