PA’PUDIAN 19:6 - Sura' Madatu

⁶ Tu butung misa’ muane ma’rampanan kapa’ sun lan mai bilikna, sia sende paiman butung pa’barani la ullingkai lalanna.

PA’PUDIAN 19:6 Referans Kwoze

TOMANGADA’ 1:5

Iatu mataallo bu’tu sia lambun, sia seka-seka ma’dondo lako to’ inan nanii bu’tu.

AYUB 22:14

Iatu salebu’ ussamboi Puang, iamoto natae’ Natiroi; unnola arru’ tibangkona langi’.

KOLOSE 1:23

podo ammi bantang sia batta’ umpoparandangan kapatonganan, apa pole’pa, ke tae’i mimemboko’ dio mai kapa’rannuanan napabu’tu Kareba-kaparannuan, tu mangkamo mirangi, tu dipa’peissanan lako mintu’ sangga menaa lan nasambo langi’ sia tu kuninna te aku Paulus mendadi to ma’kamayana.

PA’PUDIAN 113:3

Iatu sanganNa PUANG sipatu dipudi randuk dio mai kadellekan allo landa’ lako kabotoan kulla’.

AYUB 25:3

Dipuraraka diia’ tu mintu’ ma’dandan maritikNa? Sia mindara tu tang nanii bu’tu arrangNa?

PA’PUDIAN 139:9

Iake la unnangkaranna’ pani’ passisinna randan langi’, angku torro dio tampak tasik,

TO PARENGNGE’ 5:31

Susimoto la sanggang tu mintu’ ualimMi, o PUANG! Apa iatu mintu’ to ungkamali’ Puang la susito allo dellek mapannang. Mangkato marampa’mi tu tondok patangpulo taunna.