PA’PUDIAN 19:2 - Sura' Madatu

² Mintu’ langi’ unnulelean kamala’biranNa Puang Matua, sia batara umpa’peissanan panggaraga limanNa.

PA’PUDIAN 19:2 Referans Kwoze

PA’PUDIAN 74:16

Kamumo ampunna tu masiang sia Kamumo tu ampunna bongi; Kamumo tu umpatorroi inanna tu arrang sama lele sola batunna kulla’.

YESAYA 38:19

Sangadinna iatu to tuo, tu to tuo umpudi-pudiKomi, susite aku umpudiKomi totemo; iatu mai ambe’ la umpokadai tu kamarurusamMi lako mintu’ anakna.

KADADIAN 8:22

Iake tontongpi den tu lino, tae’mo anna la ka’tu tu pangamboran sia peparean, madingin na malassu, pealloan na palauran, allo na bongi!

PA’PUDIAN 148:12

E kamu pia muane sia anak dara, to matua to mangura massola nasang.

KADADIAN 1:6

Ma’kadami tu Puang Matua kumua: La den tu batara lan to’ tangnga uai, anna pasisarakki tu uai.

KADADIAN 1:7

Napadenmi Puang Matua tu batara, anNa pasisarakki tu uai diongna lu sia daona lu; dadimi susito.

PA’PUDIAN 8:4

Iangku tingara langi’Mi, panggaraga limamMi, sia bulan na bintoen tu mangka Mikombong:

PA’PUDIAN 150:1

Haleluya! Pudimi tu PUANG Matua ilan inan maindanNa! Pudimi lan batara kalle-kalleanNa!