PA’PUDIAN 19:14 - Sura' Madatu

¹⁴ Karitutui dukai tu taumMi dio mai kamatampoan, da nataloina’ tu kamatampoan; manera’ tang sayuan, sia masero pindan dio mai sala kapua.

PA’PUDIAN 19:14 Referans Kwoze

PA’PUDIAN 104:34

Sangapaoi anna alai penaanNa tu mintu’na lalan ba’tengku! Iate aku la parannu paimanna’ lan PUANG.

PA’PUDIAN 51:15

Angku ada’i lalanMi tu to sala, anna mengkatoba’ Mati’ tu to kadake gau’.

PA’PUDIAN 119:108

O PUANG, timangi tu mintu’ pemala’ tanning inaa nasa’bu’ tongka’ dililaku; sia patuduna’ tu mai atoranMi.

1 PETRUS 2:5

la susi dukakomi batu tuo dibangun mendadi misa’ banua mempenaa sia kombongan masallo’na tominaa, dikua ammi pemalaran pesuru’ mempenaa, tu Naporai Puang Matua belanna Yesu Kristus.

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

AYUB 19:25

Apa kutandai, kumua iatu To mangla’bakku tuo, anNa ma’katampakanna la bendan dao to’ barra’-barra’.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

IBRANI 11:4

Bannang dio dukamora kapatonganan anna pemalaranni Habel lako Puang Matua tu misa’ pesuru’ mandu melo na iatu pemala’na Kain; tete dio kapatongananna to, anna dikanassai, kumua iato malolo, belanna Natonganni Puang Matua tu pemala’na; sia tete dio kapatongananna anna ma’kada-kada siapa, moi anna matemo.

ROMA 15:16

kumua angku dadi to pasumbunganna Kristus Yesu lako to kapere’ la untoe pentoean maindan diona Kareba-kaparannuanNa Puang Matua, anna iatu to kapere’ mendadi pemala’ Naporai Puang Matua, belanna Napemapindanni Penaa Masallo’.

YESAYA 47:4

Iatu sanganna Pela’bakta, iamo PUANGna mintu’ ma’dandan maritik. To maserona to Israel.

IBRANI 13:15

Iamorato anna tete dio Yesu, tala tontong umpemalaranni langngan Puang Matua tu pemala’ pa’pudi-pudian, tu bua tassu’ dio puduk unnaku sanganNa.

1 TESALONIKA 1:10

sia untayan kasaeanNa AnakNa dao mai suruga, tu mangka Napamalimbangun dio mai to’ to mate, iamotu Yesu, tu ullendokangki’ dio mai kasengkean la sae undinna.

YESAYA 44:6

Nakua kadanNa PUANG, Datunna sia Pela’bakna Israel, PUANGna mintu’ ma’dandan maritik: Akumo pamulanna sia ma’katampakanna, nasaliananna Aku, tae’ tu Kapenomban senga’.

YESAYA 43:14

Nakua kadanNa PUANG, Pela’bakmi, To maserona Israel: Bannang dio kamu, angKu sua misa’ tau lako Babel, angKu ulai’ male tu mintu’ to Kasdim rokko kappala’, tu nanii massattuan sia kumalasi-lasi.

YESAYA 54:5

Belanna iatu muanemu, Iamo To tumampamu, PUANGna mintu’ ma’dandan maritik sanganNa; sia iatu Pela’bakmu, iamo To maserona to Israel, tu digente’ Kapenombanna mintu’ lino.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.