PA’PUDIAN 19:13 - Sura' Madatu

¹³ Mindara tu unnissan mintu’ kapusanna? Seroi pindanna’ dio mai mintu’ kasalan tang dikita.

PA’PUDIAN 19:13 Referans Kwoze

PA’PUDIAN 119:133

Pabantangi tu mintu’ tengkaku situru’ pangallu’Mi, sia da anna den kakadakean umparentana’.

PENGGAURANNA RASULU’ 24:16

Ia dukamora te ianna te kunii umpembela-belai, kumua angku tontong untambuk inaa masero pindan la langngan Puang Matua la lako tolino.

1 SAMUEL 25:39

Iatonna rangimi Daud, kumua matemo tu Nabal, ma’kadami nakua: Mintu’na kapudian lu langngan PUANG tu untuntunanna’ kara-karaku sia umpakkanni lako Nabal tu kanalo’boangku sia Nadampamo tu taunNa la umpogau’ kadake sia iatu kakadakean Napasule PUANG langngan ulunna Nabal. Mangkato nasuami Daud tu tau male sipa’kada Abigail umpokadanni, kumua la napobaine.

PA’PUDIAN 7:10

Melo ke pu’du’i tu mintu’ kakadakeanna to tang mekaaluk, apa pabantangi tu to malambu’, kamumo tu ussudi penaanna sia ba’tengna tau, kamumo tu Kapenomban malambu’.

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

KADADIAN 20:6

Ma’kadami tu Puang Matua lako kalena lan tindo: Kuissan sia kumua bannang pute tu penaammu mangka umpogau’i to, sia mangkamoko Kugagai umpogau’ kasalan lako kaleKu, iamoto angKu tang untangga’ko urrumbui tu baine iato.

2 PETRUS 2:10

ondong polepi tu to umpalolang kalena unturu’ kamoraian pa’kalean lan kamailuan masarepa, sia tang umbilang mintu’ kapaan. Barani sia umpattuan penaanna sia tang magiang ullangdo mintu’ tu mai disanganna mala’bi’,

PA’PUDIAN 18:23

Belanna mintu’na atoranNa tontong kupalan ara’, sia tae’ angku patoyangi tu Napondokna.

PA’PUDIAN 11:7

Belanna malambu’ tu PUANG sia ungkabarii kamalamburan; iatu to bulo lollong la umpemantang rupanNa.

KATASSURAN 21:14

Apa iake denni tau umpogau’ kadake la ussanggangi padanna ma’rupa tau sia natangnga’ la umpatei, sipatu la miala moi nadio mai to’ pemalarangKu, anna dipatei.

SURA’ KATOMINAAN 4:2

Pokadanni to Israel te kada iate: Iake denni tau kasalan natae’ naangga’i diona misa’ apa tu Nagagai PUANG umpogau’i, anna pogau’i tu misa’ apa iato:

SURA’ KATOMINAAN 4:13

Iake kasalanni tu mintu’ kasirampunan to Israel natae’ naangga’i sia kabunian tu apa iato dio pentirona kombongan iato sia patengkan lako misa’ pepasanNa PUANG, tu tae’ nama’din dipogau’, napobannangi kasalan tu tau iato mai,

SURA’ KATOMINAAN 4:22

Iake kasalanni tu misa’ arung, natae’ naangga’i patengkan lako misa’ pepasanNa PUANG, Kapenombanna, tu tae’ nama’din dipogau’ napobannangi kasalan,

SURA’ KATOMINAAN 4:27

Iake kasalanni misa’ tau lan tondok natae’ naangga’i umpogau’ misa’ apa nagagai PUANG anna pobannangi tu tau iato kasalan,

AYUB 34:32

iatu apa tang kuissan, melo Puang unnada’ina’; iake mangkamo’ umpogau’ tang malolo, tae’mo kula umpogau’ pole’i –