PA’PUDIAN 18:7 - Sura' Madatu

⁷ Iatongku lan kamatakuran meongli’na’ langngan PUANG, sia mengkamoyana’ lako Kapenombangku. Narangimo tu gamarangku lan banua kabusunganNa, sia rampomo tama talinganNa tu pengkamoyaku.

PA’PUDIAN 18:7 Referans Kwoze

PENGGAURANNA RASULU’ 4:31

Iatonna mangkamo massambayang, tiseno-senomi tu inan nanii sirampun, anNa ponnoi Penaa Masallo’ sola nasangi, anna batta’ umpokadai tu kadanNa Puang Matua.

MATIUS 28:2

Pakalan denmi lino’ kapua, belanna den malaeka’Na Puang mengkalao dao mai suruga, nasae ullentenni tu batu dio mai baba liang, anna unno’ko’ dao.

YEREMIA 4:24

Iatongku mentingara langngan mintu’ buntu, tiseno nasangmo sia mintu’ tanete tigega’mo.

TO PARENGNGE’ 5:4

O PUANG, iatomMi tassu’ lan mai Seir, tomMi mentengka tarru’ dio mai padangna Edom, lino’mi te lino sia rutu’mi tu langi’, sia iatu gaun umpato’do uai.

PA’TOLE 32:22

Belanna misa’ api dukku lan kare’dekan ara’Ku; tu ma’kande sae rokko to’ mandalanna lino to mate; pura nalalle tu kapadanganna sola burana, sia namampu’i tu garonto’na mintu’ buntu.

1 KORINTUS 13:2

Sia moi angku appa’ pa’kamase ma’nubua’, sia unnissan mintu’ membuninna sia mintu’ kapaissanan, sia moi angku ampui kapatonganan tae’ sayuanna, naurunganni ma’dinna’ umpalengka’ buntu, apa ke tae’i kuampui pa’kaboro’, manassa moi misa’ tae’ patungku.

ZAKHARIA 14:4

Allo iato la mellese tu lette’Na dao buntu Saitun, tu dio tingayo Yerusalem rampe matallona; attu iato iatu buntu Saitun la tipa’dua ma’palulako rampe matallo sia lako rampe matampu’, dadi misa’ lombok tarru’ kapua, iatu sesena buntu iato menono’ ma’palurekke, na iatu sangsesena pole’o menono’ ma’palusau’.

HABAKUK 3:10

NatiroKomi tu mintu’ buntu, anna ma’parondo, lendu’mi tu uai buda tibarrak dao mai, iatu uai buda diong aa’ mi’lan mongngo’ sia unnangka’ limanna langngan.

HABAKUK 3:6

Ke’de’Mi anNa patigega’i te lino; mentiro tiku lao anNa patike’kenni tu mintu’ bangsa, mintu’ buntu tempon dio mai bake, sia mintu’ tanete dolo-dolona tuan; iatu mintu’ lalan dolo-dolona, lalanNa Puang.

PA’PUDIAN 46:2

Iatu Puang Matua iamo pentilindungangki, sia oto’na kamatotorangki, misa’ pa’tunduan tongan lan kapussakan.

PA’PUDIAN 34:16

Iatu matanNa PUANG umpemantang to malambu’, sia natananni talinga tu peongli’na.

PA’PUDIAN 34:18

Iake meongli’i tu to malambu’, Natananni talinga PUANG, sia Narampanan dio mai mintu’ kamaparrisanna.

PA’PUDIAN 39:13

Perangiimi tu passambayangku, o PUANG, sia tananni talingamMi tu pengkamoyaku, sia da Mipa’loko-lokoi tu tangi’ tang marangangku, belanna iate aku te misa’na’ to sae dio Kalemi, sia to mentiruran susi mintu’ to doloku.

PA’PUDIAN 40:2

Lantuk penaangku untayan PUANG, Napalempeina’ kale sia Natanannimo talinga tu pengkamoyaku,