PA’PUDIAN 18:4 - Sura' Madatu

⁴ Metambana’ kumua: AnNa dipudimora tu PUANG! Tu belanna tilendokna’ dio mai mintu’ ualingku.

PA’PUDIAN 18:4 Referans Kwoze

PA’PUDIAN 116:3

Naluang sambanna’ ulangna kamatean, sia Narampoimo’ parri’ lino to mate, kuperasaimo tu kamaparrisan sia karossoan.

2 KORINTUS 1:9

Ondongpi kipamatu’tunmo lan penaangki, kumua naluangmokan kamatean, kumua da angki rannuan kaleki, sangadinna Puang Matua, tu umpamalimbangun to mate;

MATIUS 26:47

Marassan bangsia ma’kada-kada, saemi tu Yudas, iamo misa’ tu to sangpulo dua, sia lendu’ budanna to ma’pa’dang sia ma’tarasulu’ nasisolan, tu to nasua pangulu to minaa sia pekaamberan pa’tondokan.

PA’PUDIAN 124:4

Manassa natallanangki’ uai luang, sia Nalammurangki’ uai buda.

PA’PUDIAN 22:16

Iatu kamabukuangku marangkemo butung bibang, sia iatu lilaku la’ka’ lako lingaroku; amMi parokkona’ to’barra-barra’ kamatean.

PENGGAURANNA RASULU’ 21:30

Marambami tu mintu’ pa’tondokan, nasirampun tu to buda. Nala’ka’imi tu Paulus, nariu’-riu’i sun lan mai Banua Kabusungan, nata’pa untutu’ nasangi tau tu ba’bana.

MATIUS 26:55

Tonna iato nakuami Yesu ungkuanni tu to buda: Takuakomi to la urrukka’ pa’gora’ ammi sun ma’la’bo’ sia ma’tarasulu’ la untingkanNa’? Keallo-keallo mangada’iNa’ lan Banua Kabusungan, anna tae’ra mitingkanNa’.

YESAYA 13:8

Sia tiramban tu tau iato mai, ma’paganggang sia narampoi kamaparrisan, mangumbero susito baine manguria’; buyu’ sitiro len tu tau iato mai sia iatu lindona borrong susito api.

2 OSSORANNA DATU 20:21

Sipa’kadami datu tu mai to buda, anna pasirundunanni tu ba’tu pira-pira to la umpenanian sia umpudi-pudi PUANG ma’kassa’ umpopake pakean maindan, anna doloanni tu to ma’pa’buno sia ma’kada, nakua: Pudimi tu PUANG, pa masokan Ia, belanna kamasokananNa tang leluk sae lakona.

2 OSSORANNA DATU 20:22

Iatonna marasan tu tau iato mai unnarrak-arrak sia umpakendek pa’pudi-pudian, Napatudu-tudumi PUANG tu ba’tu pira-pira to mangamu’ la ullaoi to Amon, to Moab sia to dao mai buntu Seir, tu sae ullaoi to Yehuda, anna ditalo tu tau iato mai.