PA’PUDIAN 18:3 - Sura' Madatu

³ O PUANG, buntu batungku sia tambakukungku sia To urrampananna’, Iamo kapenombangku sia buntu batungku, tu kunii mentirerung, Iamo kupobalulang, sia tanduk kasalamarangku, sia pentionganan layukku.

PA’PUDIAN 18:3 Referans Kwoze

PA’PUDIAN 91:15

Ianna meongli’ ussa’bu’na’, la Kubalii; sia la Kurondong lan mintu’ kamandasanna, la Kurampanan sia la Kupamala’bi’.

LUKAS 1:71

kumua anta lessu’ dio mai mintu’ ualinta sia dio mai limanna mintu’ to ungkabiri’ki’;

PA’PUDIAN 145:3

Iatu PUANG pasareongan, sipatu tongan dipudi, iatu kapasareongananNa tang dilambi’ diukkunni.

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

2 SAMUEL 22:4

Metambana’ kukua: Sipatu tu PUANG dipudi! Tu belanna tilendokmo’ dio mai mintu’ ualingku.

PA’PUDIAN 96:4

Belanna pasareongan tu PUANG sia sipatu tongan dipudi, mandu metakuran Ia na mintu’ deata.

PA’PUDIAN 55:16

Nake ta’pa narampoi kamatean tu tau iato mai, nake tama tuoi lino to mate, belanna lan banuanna tu kakadakean sia lan ba’tengna.

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

NEHEMIA 9:5

Ma’kadami tu to Lewi Yesua, Kadmiel, Bani, Hasabneya, Serebya, Hodia, Sebanya na Petahya, nakua: Ke’de’komi, pudii tu PUANG, Kapenombammi, tempon dio mai landa’ lako attu situran; la napudi tau tu sanga mala’bi’Mi, tu ussamboi mintu’ kadipudian sia kadipangkeran.

KADA OMBO’ LAKO RASULU’ YOHANES 4:11

O Puang, Kapenombangki, sipatuKomi untoe kadipakala’biran sia kadipangkeran sia kapaan, belanna Kamumo umpadadii tu mintu’ apa sia pa’poraiamMi duka anna den tu mintu’na sia anna dipadadimo.

PENGGAURANNA RASULU’ 2:21

Attu iato minda-minda tu ussa’bu’ sanganNa Puang, iamo la dikarimmanni.

PA’PUDIAN 76:4

Indemoto tu Nanii urrebong-rebong mintu’ tinaran pandillak, sola balulang sia la’bo’ sia mintu’ parea rari. Sela

PA’PUDIAN 48:1

Misa’ sengo. Pa’pudianna to Korah.

PA’PUDIAN 3:4

Apa, o PUANG, Kamumo tu balulang perindingku, Kamumo tu kamala’birangku, sia Kamumo tu umbangunan ulungku.

PA’PUDIAN 31:4

Belanna Kamumo buntu batungku sia tambakukungku, iamoto rendenna’ sia solanna’ tete dio sangamMi.

PA’PUDIAN 62:3

Ia manna buntu batungku sia oto’na kasalamarangku, Iamo tambakukungku, natae’ angku la masang bang tilende’.

PA’PUDIAN 71:3

Sangapaoi anna Kamu kupobuntu batu pentirerungan, angku tang ka’tu male lako; tu mangkamo Midullu la kupoinan makarimman, belanna Kamumo buntu batungku sia tambakukungku,

PA’PUDIAN 91:2

Ma’kadana’ lako PUANG kukua: Kamumo tu pentilindungangku sia tambakukungku, iamo Kapenombangku tu kuposande’.

PA’PUDIAN 144:1

Pa’pudianna Daud. Mintu’ kadipudian lu lako nasang PUANG, buntu batungku, tu umpopa’biasa limangku parari, sia umpopa’biasa rangka’ku umbua’ mataran.

YEREMIA 16:19

O PUANG, Kamumo kamatotorangku sia tambakukungku sia pentirerungangku ke allo kapussakan! Lakomo Kalemi la nanii sae tu mintu’ bangsa dio mintu’ randan langi’ sia ma’kada nakua: Kabuttokan manna tu mana’na nene’ to doloki sia apa tae’ gai’na, tu moi misa’ tae’ apa kebattuan napaden.