PA’PUDIAN 18:21 - Sura' Madatu

²¹ Napapatuimo’ PUANG sitinaya kamaloloangku, sia Napapakkannina’ sitinaya kamasero-pindananna limangku.

PA’PUDIAN 18:21 Referans Kwoze

PA’PUDIAN 119:102

Tae’ angku sepang len dio mai mintu’ atoramMi, belanna Kamu tu mangka umpatuduna’.

1 YOHANES 2:19

Messarakmo dio mai kaleta tu tau iato mai, apa inang tangia solata, belanna iake solatai tae’ nasalai tang mari’pi ussisolangki’; apa messarak ia anna payan kumua tae’ na ia nasang solata.

PENGGAURANNA RASULU’ 24:16

Ia dukamora te ianna te kunii umpembela-belai, kumua angku tontong untambuk inaa masero pindan la langngan Puang Matua la lako tolino.

SARAMBU PEADA’ 8:32

Iamote, e mintu’ anakku, perangiina’, belanna la maupa’ tu to ungkaritutui lalanku.

PA’PUDIAN 26:1

Pa’pudianna Daud. O PUANG, sanda tongannina’, belanna lolang malolomo’, sia lantukna’ ungkatappa’i PUANG.

1 TESALONIKA 2:10

Kamu ungkanassai sia Puang Matua duka, tumba masallo’na sia malambu’na sia tang sayuanna tu gau’ki lako kamu ma’patonganna.

PA’PUDIAN 17:4

Diona penggauranna mintu’ tolino, susitu kada sun dio randan pudukMi, angku toyangammo kaleku dio mai mintu’ lalanna to patoro’ buku.

2 OSSORANNA DATU 34:33

Naputtai nasangmi Yosia tu mintu’ apa megallian dio lu mintu’ lili’na to Israel, napatundukki tu mintu’ to lan Israel la umpengkaolai PUANG, Kapenombanna. Lan mintu’ allo katuoanna datu, tae’ nasorong boko’ tu tau iato mai dio mai PUANG, Kapenombanna nene’ to dolona.

1 SAMUEL 15:11

MenassanNa’, belanna Kuangka’ tu Saul dadi datu, belanna toyangmo dio mai Kaleku sia tae’mo naturu’i tu parentaKu. Massengmi penaanna tu Samuel, anna meongli’ lako PUANG situ’turan bongi.

2 OSSORANNA DATU 20:32

Urrundu’mi bate lalanna Asa, ambe’na, tae’ nasepang len dio mai sia napogau’ tu apa malolo dio pentiroNa PUANG.

PA’PUDIAN 7:9

PUANG umpaolai salunna mintu’ bangsa, paolaina’ salunna sitinaya kamaloloangku, sia penaa ma’bulo-lollongku.

DANIEL 6:23

Iatu Kapenombangku ussua malaeka’Na ungkamummu’i tu sadang singa, anna tae’ napatumba lenna’, belanna tae’ angku sala dio oloNa sia tae’ duka kupogau’ kadake lako kamu, datu.