PA’PUDIAN 18:16 - Sura' Madatu

¹⁶ Iato attu iato payanmi tu mintu’ sali tasik, sia mintu’ parandangan lino sombo duka, tu belanna pegarrakMi, o PUANG, sia belanna pa’pamurru’na penaamMi dao mai illongMi.

PA’PUDIAN 18:16 Referans Kwoze

2 SAMUEL 22:17

Naulumi tu limanNa dao mai unnalana’, Nariu’na’ lan mai uai luang.

PA’PUDIAN 144:7

Popengkorongi tu limamMi dao mai masuanggana, lendokanna’ sia endekanna’ diong mai to’ uai buda, sia dio mai lisu pala’na to sae,

PA’PUDIAN 57:3

Meongli’na’ lako Puang Matua, Puang Patodoranna, lako Puang Matua, tu umpasundunanna’ mintu’ apa.

PA’PUDIAN 18:43

Kunisak-nisakmo tu tau iato mai butung to barra’-barra’ napentiaran angin, sia kulullu’-lullu’ ten to so’mak dio lu lalan.

KATASSURAN 2:10

Iatonna kapuamo tu pia iato nasolammi lako anakna baine datu Firaun, naala anakki, nasangai Musa, nakua: Belanna kuangkaran diong mai to’ uai.

KADA OMBO’ LAKO RASULU’ YOHANES 17:15

Nakuami lako kaleku: Iatu mintu’na uai mutiro dio inan nanii unno’ko’ pa’gau’ sala iato, iamora tu ba’tu pira-pira to sangpetayanan sia to tang dipetayanni sia mintu’ bangsa sia basa.

PA’PUDIAN 32:6

Iamoto mintu’ to mengkaola la massambayang lako Kalemi su’ding dilambi’pi tu pa’kamaseamMi; moi anna tu’ba’ tu uai saba’, manassa tang la nalambi’ tu tau iato mai.

NAHUM 1:4

Nagarrak tu tasik sia Napamarangke sia mintu’ salu Napaba’ta’. Iatu Basan sola Karmel tang me’dukmo, sia mintu’ daun-daun dao Libanon malayumo.