PA’PUDIAN 18:15 - Sura' Madatu

¹⁵ Napa’panan tu tinaranNa anNa pasisarak-sarakki tu tau iato mai, Napellebaranni tu kila’ sia Napasisarambuan tu tau iato mai.

PA’PUDIAN 18:15 Referans Kwoze

PA’PUDIAN 106:9

Nasarabai tu tasik Teberau, anna marangke, anNa solanni tu tau iato mai ullamban tasik mandalan butung to unnola rante pama’.

KATASSURAN 15:8

Diona angin sun dao mai illongMi anna dipopa’patuku-tuku tu uai; sia iatu uai saba’ tulangdan susi sapan, sia mintu’ bombang makko lan atena tasik.

MIKHA 6:2

Perangii, e mintu’ buntu, tu pa’parapa’Na PUANG, sia kamu duka, e parandanganna lino, tu tang tigoyang. Belanna ma’parapa’mo tu PUANG unnea taunNa, sia la sikara-kara Israel.

YEREMIA 31:37

Inde sia tu kadanNa PUANG, Nakua: Iake la ma’dinni disuka’ tu langi’ dao sia mintu’ parandangan lino diong ma’din disandak, maneri Kutibe tu mintu’ bati’na Israel, belanna mintu’ penggauranna, kadanNa PUANG.

PA’PUDIAN 104:5

Iamo mangka unnoton lino dao parandanganna, naurunganni tae’mo nala tigega’ len sae lakona.

PA’PUDIAN 76:6

Mintu’ to lalong dirampamo, sia tarru’ leppeng, sia mintu’ to barani tang pa’belamo.

AYUB 4:9

Tete dio penaanNa Puang Matua anna sanggang tu tau iato, sia tete dio pamurru’ illongNa anNa sabu’i.

2 SAMUEL 22:16

Iato attu iato payanmi tu mintu’ sali tasik, sia mintu’ parandangan lino sombo duka, tu belanna pegarrakNa PUANG, sia belanna pa’pamurru’na penaanNa dao mai illongNa.

PA’PUDIAN 74:15

Kamumo umpabu’tu kalimbuang sia umpalolong uai salu, sia umpamarangke salu kapua.

2 DATU 19:7

Manassa Aku la umpabu’tui lan penaanna, naurunganni, ke urrangimi misa’ kareba, manassa la sule lako tondokna, sia la Kubambangan nakande pa’dang lan tondokna.

YUNUS 2:6

Mengkalaomo’ rokko parandanganna mintu’ buntu; iatu salli’na te lino diomo boko’ku tontong sae lakona. Attu iato Miriu’mo langngan tu deatangku diong mai bambana mukkun, o PUANG, Kapenombangku.

YESAYA 11:4

Sangadinna iatu to bitti’ la napaolai malolo salunna sia nasanda tonganni situang kamalamburan tu to umpamadiong penaanna; apa tete dio pebamba tongka’ dililana la napa’dikan lino, sia penaa sun dipudukna la napateanni tu to tang mekaaluk.

YESAYA 30:33

Belanna masaimo tiparandan tu inan pantunuan lako tau iato mai sia lako duka datunna; maluangan sia mandalan tu Nagaragai dapo’, na kapua tu api sia ma’toppo’-toppo’ tu kayu; iatu penaanNa PUANG lolong susi solo’ la umballai.

1 SAMUEL 7:10

Iatonna marassan Samuel umpemalaran pemala’ ditunu pu’pu’, ta’kala saemi tu to Filistin la urrarii to Israel, apa allo ia dukato gumalugu tu PUANG, metakuran tu guntu’Na lako to Filistin; Napamarambai tu tau iato mai, naurunganni natalo to Israel.

AYUB 36:32

Nasamboi kila’ mellepa’ Puang tu limanNa patomali, sia Napasan ussiok to palaoan.

PA’PUDIAN 77:18

Iatu mai saliu’ umbarrakan uai, sia iatu langi’ gumalugu, sia iatu tinaranMi sipendelok-delokan.

PA’PUDIAN 92:10

Belanna manassa mintu’ ualimMi, o PUANG, manassa mintu’ ualimMi la sanggang. Sia mintu’ tu to umpogau’ kakadakean la dipasisarak-sarak.

PA’PUDIAN 144:6

Popellepa’i tu kila’Mi, amMi pasisarak-sarakki tu tau iato mai, palaoi tu tinaramMi, amMi patisambo’-sambo’i.

ZAKHARIA 9:14

La sombo tu PUANG lako tau iato mai sia iatu anak panaNa la tassu’ susito kila’ sia Puangta PUANG la umpannoni napiri tanduk sia la ke’de’ naturu’ angin bara’ rampe lo’na lu.